പെരുമ്പാവൂർ : ഒക്കൽ ടി.എൻ.വി വായനശാലയുടെ നേതൃത്വത്തിൽ ശതാഭിഷിക്തനായ ശ്രീകുമാരൻ തമ്പിക്ക് ആദരമർപ്പിച്ച് ഗാനാർച്ചന നടത്തി. ജില്ലാ പഞ്ചായത്ത് അംഗം ശാരദ മോഹൻ ഉദ്ഘാടനം ചെയ്തു. ഇതോടൊപ്പം പുതിയ ഷോർട്ട് ഫിലിം ദൈവത്തിന്റെ സ്വന്തം മണി ഓർഡറിന്റെ സ്വിച്ച് ഓൺ കർമ്മം സിനിമ തിരക്കഥാകൃത്ത് ബിജു വട്ടപ്പാറ നിർവഹിച്ചു. ഷോർട്ട് ഫിലിമിൽ പ്രവർത്തിച്ച കലാകാരന്മാരെ യോഗത്തിൽ ആദരിച്ചു. വായനശാല പ്രസിഡന്റ് സി.വി. ശശിയുടെ അദ്ധ്യക്ഷതയിൽ നടന്ന യോഗത്തിൽ കെ. അനുരാജ്, , വി.എസ്. ഷൈബു, പി.വി. ഷിബു, കെ.കെ. ഷാജി, എം.വി. ബാബു എന്നിവർ സംസാരിച്ചു.