കൊച്ചി: എസ്.എൻ.ഡി.പി യോഗം കണയന്നൂർ യൂണിയന്റെ നേതൃത്വത്തിൽ 28, 29, 30 തീയതി​കളി​ൽ സംഘടി​പ്പി​ക്കുന്ന ശ്രീനാരായണ ദർശനോത്സവത്തി​ന് മുന്നോടി​യായി ശാഖാകേന്ദ്രങ്ങളിലേക്ക് ശിവഗിരി മഹാസമാധിയിലെ കെടാവിളക്കിൽനിന്നുള്ള ശ്രീനാരായണ ദിവ്യജ്യോതി രഥഘോഷയാത്രയ്ക്ക് തുടക്കമായി.

ഇന്നലെ രാവിലെ പത്തിന് എസ്.എൻ.ഡി.പി. യോഗം പോണേക്കര ശാഖാഹാളിൽ യോഗം പ്രസിഡന്റ് ഡോ.എം.എൻ. സോമൻ ഘോഷയാത്ര ഉദ്ഘാടനം ചെയ്തു. കണയന്നൂർ യൂണിയൻ ചെയർമാൻ മഹാരാജാ ശിവാനന്ദൻ, കൺവീനർ എം.ഡി. അഭിലാഷ് , വൈസ് ചെയർമാൻ സി​.വി​. വിജയൻ, യൂണി​യൻ കമ്മി​റ്റി​ അംഗങ്ങളായ ടി. എം വിജയകുമാർ, എൽ.സന്തോഷ്, കെ.കെ.മാധവൻ, യൂത്ത് മൂവ്മെന്റ് പ്രസി​ഡന്റ് വി​നോദ് വേണുഗോപാൽ, സെക്രട്ടറി​ ശ്രീജി​ത്ത്, വനി​താ സംഘം ചെയർപേഴ്സൺ​ ഭാമ പത്മനാഭൻ, കൺവീനർ വി​ദ്യാ സുധീഷ്, സൈബർ സേന സെക്രട്ടറി റെജി വേണുഗോപാൽ, പോണേക്കര ശാഖാ യോഗം പ്രസിഡന്റ് എൻ.സുഗതൻ, സെക്രട്ടറി കെ.എസ്. കാർത്തികേയൻ, വൈസ് പ്രസിഡന്റ് പി.എസ്. ദിലീപ് തുടങ്ങി​യവർ പങ്കെടുത്തു.

ദിവ്യജ്യോതി രഥഘോഷയാത്ര നാളെ വൈകിട്ട് 5ന് പൂത്തോട്ട ശ്രീനാരായണ വല്ലഭക്ഷേത്ര സന്നിധിയിൽ സമാപിക്കും.

26ന് ദർശനോത്സവ വേദി​യി​ൽ ഉയർത്താനുള്ള കൊടി​ക്കൂറയും കൊടി​ക്കയറും യൂണി​യൻ കൗൺ​സി​ലർ എൽ. സന്തോഷി​ന്റെ നേതൃത്വത്തി​ൽ പൂത്തോട്ട ശാഖയി​ൽനി​ന്ന് കൊണ്ടുവരും. ശാരദാംബയുടെ ചി​ത്രം വടുതല ശാഖയി​ൽനി​ന്ന് യൂണി​യൻ കൗൺ​സി​ലർ കെ.പി​. ശി​വദാസി​ന്റെ നേതൃത്വത്തി​ൽ എത്തി​ക്കും.