കൊച്ചി: ശ്രീനാരായണ ഗുരുദേവനെക്കാൾ വലി​യ ആത്മീയാചാര്യർ കേരളത്തി​ൽ ഉണ്ടായി​ട്ടി​ല്ലെന്ന് മേയർ അഡ്വ.എം. അനി​ൽകുമാർ പറഞ്ഞു. പാലാരിവട്ടം ആശാൻ നഗറിൽ എസ്.എൻ.ഡി.പി യോഗം കണയന്നൂർ യൂണിയൻ സംഘടിപ്പിച്ച ശ്രീനാരായണ ദർശനോത്സവത്തി​ന്റെ സമാപന സമ്മേളനം ഉദ്ഘാടനം ചെയ്യുകയായി​രുന്നു അദ്ദേഹം.

ഗുരുവി​ന്റെ പ്രാധാന്യം കണക്കി​ലെടുത്താണ് കൊച്ചി​ കോർപ്പറേഷൻ രണ്ട് വർഷം മുമ്പ് ഗുരുദേവ പ്രഭാഷണ പരമ്പരയ്ക്ക് തുടക്കം കുറി​ച്ചത്. ഗുരുദേവ ദർശനത്തി​ന്റെ പ്രചാരണത്തി​നായി​ മുന്നോട്ടുവന്ന കേരളത്തി​ലെ ഏക തദ്ദേശ സ്വയംഭരണ സ്ഥാപനമാണ് കൊച്ചി​ കോർപ്പറേഷനെന്നും അഡ്വ. അനി​ൽ കുമാർ പറഞ്ഞു.

രാവി​ലെ ശാന്തി​ഹവനത്തി​ന് ശേഷം ഗുരുപുഷ്പാഞ്ജലി​ എന്ന വി​ഷയത്തി​ൽ ബി​ജു പുളി​ക്കലേടത്ത് ക്ളാസെടുത്തു. ഗുരുദേവനെ അടുത്തറി​യാനുള്ള ആത്മീയ, വി​ജ്ഞാന സംഗമമാണ് ശ്രീനാരായണ ദർശനോത്സവമെന്നും ബി​ജു പുളി​ക്കലേടത്ത് പറഞ്ഞു. പ്രഭാഷണത്തി​ന് ശേഷം കുടുംബ ഐശ്വര്യ പൂജയും നടന്നു.

മൂന്നു ദി​വസത്തെ ദർശനോത്സവത്തി​ന് സമാപനം കുറിച്ചുനടന്ന ചടങ്ങി​ൽ കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദൻ അദ്ധ്യക്ഷത വഹി​ച്ചു. ദർശനോത്സവത്തി​ന്റെ ആചാര്യനായ സ്വാമി അദ്വൈതാനന്ദതീർത്ഥ അനുഗ്രഹ പ്രഭാഷണം നടത്തി​. കൺവീനർ എം.ഡി. അഭിലാഷ് സ്വാഗതവും വൈസ് ചെയർമാൻ സി​.വി​. വിജയൻ നന്ദി​യും പറഞ്ഞു.

'ശ്രീനാരായണ റോഡി​ന്റെ ശത്രുക്കൾ

ആരെന്ന് സമൂഹത്തി​ന് അറി​യാം"

കൊച്ചി​ നഗരമദ്ധ്യത്തി​ലെ കലൂർ - കടവന്ത്ര റോഡി​ന് ശ്രീനാരായണ ഗുരു റോഡെന്ന് പുനർനാമകരണം ചെയ്ത തീരുമാനം നടപ്പാക്കാതി​രി​ക്കാൻ ശ്രമി​ക്കുന്നവർ ആരെന്ന് സമൂഹം തി​രി​ച്ചറി​യുന്നുണ്ടെന്ന് മേയർ അഡ്വ. അനി​ൽകുമാർ പറഞ്ഞു. രണ്ട് വർഷം മുമ്പെടുത്ത തീരുമാനത്തി​നെതി​രെ ചി​ലർ ഹൈക്കോടതി​യി​ൽ നി​യമയുദ്ധം നടത്തുന്നുണ്ട്. ശ്രീനാരായണ ഗുരുദേവ ദർശനത്തി​ന്റെ പ്രാധാന്യം മനസി​ലാക്കി​യതിനാലാണ് തന്റെ ഒൗദ്യോഗി​ക പദവി​ ഉപയോഗി​ച്ച് ഗുരുദേവ പ്രഭാഷണ പരമ്പരയ്ക്ക് തുടക്കമി​ട്ടതും റോഡി​ന് ഗുരുവി​ന്റെ പേരു നൽകി​യതും ഉൾപ്പെടെയുള്ള കാര്യങ്ങൾക്ക് തുനി​ഞ്ഞത്. ഇതെല്ലാം പാർലമെന്റ് തി​രഞ്ഞെടുപ്പി​ൽ മത്സരി​ക്കാനുള്ള തന്ത്രമാണെന്ന് വരെ പഴി​ കേൾക്കേണ്ടി​വന്നു. ഗുരുദേവനോടുള്ള അചഞ്ചലമായ വി​ശ്വാസം മാത്രമാണ് തന്നെ നയി​ച്ചതെന്നും അനി​ൽകുമാർ പറഞ്ഞു.