വെങ്ങല്ലൂർ : വെങ്ങല്ലൂർ മുനിസിപ്പൽ യു.പി. സ്കൂളിന്റെ വാർഷികാഘോഷവും അദ്ധ്യാപകരക്ഷാകർതൃ ദിനാഘോഷവും യാത്രയയപ്പ് സമ്മേളനവും നടത്തി. മുനിസിപ്പൽ ചെയർമാൻ സനീഷ് ജോർജിന്റെ അദ്ധ്യക്ഷതയിൽ ചേർന്ന യോഗത്തിൽ ആഘോഷപരിപാടികൾപി. ജെ. ജോസഫ് എം. എൽ. എ ഉദ്ഘാടനം ചെയ്തു. സർവ്വീസിൽ നിന്നും വിരമിക്കുന്ന ഹെഡ്മാസ്റ്റർ വി.എം ഫിലിപ്പിച്ചന് പു. ടി. എ യുടെ ഉപഹാരം എം. എൽ. എ നൽകി. മുനിസിപ്പൽ വൈസ് ചെയർപേഴ്സൺ ജെസ്സി ആന്റണി, വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ പി. ജി രാജശേഖരൻ, വാർഡ് കൗൺസിലർ നിധി മനോജ്, ഡോ. എം. എൻ അജി, ഉപജില്ലാ വിദ്യാഭ്യാസ ഓഫീസർ ഷീബ മുഹമ്മദ്, മഞ്ചാടി ജോബി, ഷിംനാസ് കെ.കെ, രാജീവ് പുഷ്പാംഗദൻ , അഡ്വ. പ്രേംജി സുകുമാർ, ഷൈനലാൽബിൻ, സ്വപ്ന ഓസ്റ്റിൻ, ഹമ്പിനാർ സി.കെ, സിബി കുരുവിള തുടങ്ങിയവർ സംസാരിച്ചു.