ഇടുക്കി: കുഴൽ കിണർ കുഴിക്കുന്നതിനിടെ തോട്ട പൊട്ടി ഒരാൾ മരിച്ചു. ഒരാൾക്ക് ഗുരുതര പരിക്കേറ്റു. തൊഴിലാളികളായ കമ്പംമെട്ട് സ്വദേശി രാജേന്ദ്രനാണ് മരിച്ചത്. അണക്കര സ്വദേശി ജയ്‌മോന് ഗുരുതര പരിക്കേറ്റു. ഇന്നലെ വൈകിട്ട് ഏഴ് മണിയോടെ കാമാക്ഷി വിലാസം കോണ്ടിനെന്റൽ എസ്റ്റേറ്റിലാണ് സംഭവം.കുഴൽ കിണർ ജോലിയ്ക്കായി എത്തിയതായിരുന്നു ഇരുവരും.
ഏറെ ആഴത്തിൽ കുഴിച്ചിട്ടും വെള്ളം കുറവായതിനെ തുടർന്ന് കുഴൽ കിണറിലേക്ക് തോട്ട പൊട്ടിച്ച് ഇടുകയായിരുന്നു. എന്നാൽ തോട്ട പൊട്ടി രാജേന്ദ്രന്റെ കൈകൾ അറ്റുപോയി. കാലിനും ഗുരുതര പരിക്കേറ്റു. ഗുരുതരമായി പരിക്കേറ്റ ഇരുവരെയും കോട്ടയം മെഡിക്കൽ കോളേജിലേക്ക് കൊണ്ടു പോയെങ്കിലും രാജേന്ദ്രൻ മരണമടഞ്ഞു.