നെടുങ്കണ്ടം: ചെമ്മണ്ണാർ സ്വദേശിയായ ഫിസിയോതെറാപ്പി വിദ്യാർത്ഥിനിയെ ബാംഗ്ലൂരിലെ ഹോസ്റ്റൽ കെട്ടിടത്തിന് മുകളിൽ നിന്ന് വീണ് മരിച്ച നിലയിൽ കണ്ടെത്തി. ചെമ്മണ്ണാർ എള്ളംപ്ലാക്കൽ ബിജുവിന്റെ മകൾ അനിലയാണ് (19) മരിച്ചത്. ശനിയാഴ്ചയായിരുന്നു അപകടം നടന്നത്. ബാംഗ്ലൂർ രാജരാജേശ്വരി മെഡിക്കൽ കോളേജിലെ വിദ്യാർത്ഥിനിയായ അനില മരിച്ച വിവരം കോളേജ് അധികൃതരാണ് വീട്ടിൽ അറിയിച്ചത്. പോസ്റ്റുമോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകി. സംസ്‌കാരം ഇന്ന് രാവിലെ 8.30 ന് ചെമ്മണ്ണാർ സെന്റ് സേവ്യേഴ്‌സ് പള്ളിയിൽ നടക്കും. ഉടുമ്പൻചോല ഗ്രാമപഞ്ചായത്ത് വൈസ് പ്രസിഡന്റ് ബീനയാണ് മാതാവ്. അമൃത ഏക സഹോദരിയാണ്.