വെള്ളത്തൂവൽ: വെള്ളത്തൂവൽ ശ്രീ അന്നപൂർണ്ണേശ്വരി ദേവീക്ഷേത്രത്തിൽ പുനഃപ്രതിഷ്ഠാ മഹോത്സവം 20, 21, 22 തീയതികളിൽ നടക്കും. ഒന്നാം ദിവസം രാവിലെ 5.30ന് ഉണർത്തൽ 5.45 ന് നിർമ്മാല്യദർശനം,​ ആറിന് ഗണപതിഹോമം,​ ഉഷപൂജ,​ തുടർന്ന് ഭാഗവത പാരായണം. ഉച്ചയ്ക്ക് ഒന്നിന് പ്രസാദ ഊട്ട്,​ വൈകിട്ട് ആറിന് നട തുറക്കൽ, ഗണപതി പൂജ, സ്ഥലശുദ്ധി, പത്‌മോംലേപം, രാത്രി ഏഴിന് ഭക്തിഗാന
സുധ. രണ്ടാം ദിവസം രാവിലെ 5.30ന് പള്ളിയുണർത്തൽ, തുടർന്ന് നിർമാല്യ ദർശനം,​ ആറിന് ഗണപതി ഹോമം,​ ഏഴിന് ശയ്യാ പൂജ, എട്ടിന് നിദ്രാകലശം, 10ന് മഹാ ആയില്യപൂജ, ഉച്ചയ്ക്ക് ഒന്നിന് പ്രസാദഊട്ട്,​ വൈകിട്ട് നാലിന് ബിംബപരിഗ്രഹം, ശുദ്ധി ക്രിയകൾ, ധ്യാനാധിവാസം, അത്താഴപൂജ,​ 7.30ന് ഭജന. മൂന്നാം ദിവസം രാവിലെ 5.30ന് പള്ളിയുണർത്തൽ, തുടർന്ന് നിർമ്മാല്യദർശനം,​ ആറിന് ഗണപതി ഹോമം,​ 9.20നും 9.45നും മദ്ധ്യേശുഭ മുഹൂർത്തത്തിൽ വെള്ളത്തൂവൽ അമ്മയുടെ മഹാപ്രതിഷ്ഠ,​
തുടർന്ന് മഹാഗണപതിപ്രതിഷ്ഠ,​ വൈകിട്ട് ആറിന് വിമലാസിറ്റി മാറ്റത്തിമാക്കൽ പടിക്കൽ നിന്ന് തെയ്യം, പടയണി, മയിലാട്ടം, കാവടി, വിവിധകലാരൂപങ്ങളുടെ അകമ്പടിയോടെ താലപ്പൊലി ഘോഷയാത്ര ക്ഷേത്രാങ്കണത്തിലേക്ക്,​ 8.30ന് താലം എതിരേൽപ്പ്,​ തുടർന്ന് വലിയ കാണിക്ക, മഹാപ്രസാദ ഊട്ട്,​
രാത്രി ഒമ്പതിന് നൃത്ത സന്ധ്യ.