ഇടുക്കി: ജില്ലയിൽ നടന്നുവരുന്ന മലയോര പട്ടയ വിവരശേഖരണത്തിന്റെ ഭാഗമായുള്ള അപേക്ഷ സ്വീകരിക്കൽ 30 വരെ നീട്ടി. 1977 ജനുവരി ഒന്നിന് മുമ്പ് കുടിയേറി താമസിച്ചു വരുന്നവർക്ക് അതത് പ്രദേശത്ത് ബാധകമായ ഭൂപതിവ് ചട്ടങ്ങൾ അനുസരിച്ച് പട്ടയം നൽകുന്നതിനുള്ള നടപടികളുടെ ഭാഗമായാണ് തീയതി നീട്ടിയത്. വനം, റവന്യൂ വകുപ്പുകളുടെ ജോയിന്റ് വെരിഫിക്കേഷൻ ലിസ്റ്റിൽ ഉൾപ്പെടാതെ പോയവർ, സംയുക്ത പരിശോധന നടക്കാത്ത സ്ഥലങ്ങളിലെ താമസക്കാർ, നാളിതുവരെ പലകാരണങ്ങളാൽ പട്ടയത്തിന് അപേക്ഷിക്കാത്തവർ ഉൾപ്പെടെയുള്ള അർഹരായ ഗുണഭോക്താക്കൾക്ക് ബന്ധപ്പെട്ട വില്ലേജ് ഓഫീസുകളിൽ അപേക്ഷ നൽകാമെന്ന് ലാൻഡ് റവന്യൂ കമ്മിഷണർ അറിയിച്ചു.