അടിമാലി:ജീറ്റ് കുനേ ദോ ലോകകപ്പിൽ ദേശിയ ടീമിന് വേണ്ടി കേരളത്തിൽ നിന്നും മത്സരിച്ചവർക്ക് മെഡൽ നേട്ടം.ലോകകപ്പിൽ ആകെ ലഭിച്ച 18 മെഡലിൽ 5 എണ്ണവും കേരളത്തിൽ നിന്നുള്ള മത്സരാർത്ഥികളാണ് നേടിയത്.ഇതിൽ നാല് മെഡലുകളും സ്വന്തമാക്കിയത് അടിമാലി സ്വദേശികളാണെന്ന് ഇന്ത്യൻ ടീമിന്റെ ഭാഗമായി ഉണ്ടായിരുന്നത് മാസ്റ്റേഴ്‌സ് ഫൈറ്റിംഗ് വിഭാഗത്തിൽ ചാമ്പ്യനായ ഇന്ത്യൻ ടീം മാനേജർ കൂടിയായിരുന്ന രാജൻ ജേക്കബ്ബ് പറഞ്ഞു.

തായ്‌ലാന്റിലെ ഫുക്കറ്റിൽ വച്ചായിരുന്നു ഇത്തവണത്തെ ജീറ്റ് കുനേ ദോ ലോകകപ്പ് നടന്നത്.

സബ് ജൂനിയർ വിഭാഗത്തിൽ ഗോവിന്ദ് ഹരിദാസ്, പ്രണവ് സ്മിജു സീനിയർ വിഭാഗത്തിൽ എബിൻ ഡേവിഡ് ജൂനിയർ വിഭാഗത്തിൽ കോട്ടയത്തു നിന്നുള്ള മാനസി എന്നിവർ മത്സരിച്ചിരുന്നു.ഇതിൽ ജൂനിയർ വിഭാഗത്തിൽ മാനസി എം എ, സീനിയർ വിഭാഗത്തിൽ എബിൻ പി ഡേവിഡ് എന്നിവർ സ്വർണ്ണ മെഡൽ നേടി. സബ് ജൂനിയർ വിഭാഗത്തിൽ പ്രണവ് സ്മിജു, ഗോവിന്ദ് ഹരിദാസ് എന്നിവർക്ക് വെള്ളി മെഡലും സ്വന്തമാക്കി.
ആറാമത് ലോകകപ്പ് മത്സരമാണ് ഇത്തവണ ഫുക്കറ്റിൽ നടന്നത്.മത്സരങ്ങളിൽ അടിമാലിയിൽ നിന്നള്ള രാജൻ ജേക്കബ്ബ് ചീഫ് ജഡ്ജായും എബിൻ പി ഡേവിഡ് ജഡ്ജായും പങ്കെടുകയും ചെയ്തു.