ഇടുക്കി: 'നങ്ക വോട്ട്' കാമ്പയിനിന്റെ ഭാഗമായി മലമ്പണ്ടാരം വിഭാഗത്തിലെ വോട്ടർമാർക്കുള്ള വോട്ടേഴ്‌സ് തിരിച്ചറിയൽ കാർഡ് വിതരണം വള്ളക്കടവ് ഫോറസ്റ്റ് ഡോർമിറ്ററിയിൽ ഇന്ന് വൈകുന്നേരം മൂന്നിന് ജില്ലാ കലക്ടർ ഷീബാ ജോർജ് നിർവഹിക്കും. ലോക്‌സഭാ തെരഞ്ഞെടുപ്പിൽ ജില്ലയിലെ പട്ടികവർഗ്ഗ ജനവിഭാഗത്തിന്റെ പങ്കാളിത്തം ഉറപ്പു വരുത്താൻ ഇടുക്കി ജില്ലാ ഭരണകൂടവും ജില്ലാ ഇലക്ഷൻ വിഭാഗവും സ്വീപ്‌ന്റെ ഭാഗമായി നടപ്പാക്കുന്ന പദ്ധതിയാണ് 'നങ്ക വോട്ട്' കാമ്പയിൻ.പരിപാടിയിൽ സബ് കളക്ടർ ഡോ.അരുൺ എസ്. നായർ, ഇലക്ഷൻ ഡെപ്യൂട്ടി കളക്ടർ ഡോ.അരുൺ ജെ.ഒ എന്നിവർ പങ്കെടുക്കും.