തൊടുപുഴ: എസ്.എൻ.ഡി.പി യോഗം മുട്ടം ശാഖാ കുടുംബസംഗമം തൊടുപുഴ യൂണിയൻ ചെയർമാൻ ബിജു മാധവൻ ഉദ്ഘാടനം ചെയ്തു. ശ്രീനാരായണ ഗുരുദേവ ക്ഷേത്ര ഓഡിറ്റോറിയത്തിൽ ശാഖാ പ്രസിഡന്റ് സി. കെ. ഗോപിയുടെ അദ്ധ്യക്ഷതയിൽ ചേരുന്ന കുടുംബ സംഗമത്തിൽ യൂണിയൻ കൺവീനർ പി.ടി. ഷിബു മുഖ്യപ്രഭാഷണം നടത്തി. യൂണിയൻ വൈസ് ചെയർമാൻ വി.ബി. സുകുമാരൻ, യൂണിയൻ അഡ്മിനിസ്ട്രേറ്റീവ് കമ്മിറ്റി അംഗങ്ങളായ സ്മിത ഉല്ലാസ്, കെ.കെ. മനോജ് എന്നിവർ സന്ദേശം നൽകി. യോഗത്തിൽ മുട്ടം ശാഖാ അംഗങ്ങളായ മുൻ യൂണിയൻ സെക്രട്ടറി കെ. കെ. പുഷ്പൻ, മുൻ ശാഖാ പ്രസിഡന്റുമാരായ കെ. എസ്. ശിവരാമൻ, എൻ. ബി. ജവഹർലാൽ, എം. എം. ടിറ്റോ, സി. കെ. ഗോപി , മുൻ ശാഖാ സെക്രട്ടറിമാരായ ശശി അമ്പാട്ട്, ടി. പി. രാജൻ, പി. കെ. രവീന്ദ്രൻ, ഗോപി ഓലേടത്ത്, ടി. കെ. രവികുമാർ, മുട്ടം സർവ്വീസ് സഹകരണബാങ്ക് ഭരണസമിതിയിലേയ്ക്ക് തിരഞ്ഞെടുക്കപ്പെട്ട ഷീല സജീവൻ എന്നിവരെ ആദരിച്ചു.. ശാഖാ സെക്രട്ടറി എം.എസ്. രവി സ്വാഗതവും വൈസ് പ്രസിഡന്റ് പി.കെ. വിജയൻ നന്ദിയും പറഞ്ഞു.