പീരുമേട്: ഏലപ്പാറ ശ്രീകൃഷ്ണസ്വാമിക്ഷേത്രത്തിൽ സപ്താഹയഞ്ജത്തിന്റെ ഭാഗമായി രുഗ്മിണി സ്വയംവര പൂജ നടന്നു. സപ്താഹയജ്ഞം, കലശപൂജ, അഷ്ടാഭിഷേകം, വെണ്ണനിവേദ്യം, സമൂഹസദ്യ, വെടിക്കെട്ട്, ഗാനമേള താലപ്പൊലിഘോഷയാത്ര കുട്ടികളുടെ കലാപരിപാടികൾ തിരുവാതിര, ഹോളി ആഘോഷം, ഉറിയടി, ആറാട്ട്‌ ഘോഷയാത്ര, അദ്ധ്യാത്മിക പ്രഭാഷണങ്ങൾ അഷ്ടദ്രവ്യ മഹാഗണപതിഹോമം, വിധിപ്രകാരമുള്ള പൂജാദി കർമ്മങ്ങൾ, നാമജപം എന്നിവയോടുകൂടിയാണ്‌ ക്ഷേത്ര സന്നിധിയിൽ നടന്നു. പ്രഭാഷണവും സ്വയംവര സദ്യയും നടന്നു. ക്ഷേത്രം പ്രസിഡന്റ് വി.പി. ബാബു, സെക്രട്ടറി മഹേഷ് വി. നായർ എന്നിവർ നേതൃത്വം നൽകി. ഇന്ന് രാവിലെ അഞ്ചിന് നിർമ്മാല്യദർശനം, 5.30 ന് ഗണപതി ഹോമം, 6.30ന് വിഷ്ണുസഹസ്രനാമജപം, ഗ്രന്ഥനമസ്കാരം, 7.30ന് ഭാഗവത പാരായണം, 10ന് കുചേലോപാഖ്യാനം, 11ന് അഷ്ടാഭിഷേകം, വെണ്ണനിവേദ്യം, ഉച്ചപൂജ, 11.30ന് പ്രഭാഷണം, ഉച്ചയ്ക്ക് ഒന്ന് മുതൽ സമൂഹ സദ്യ, രണ്ട് മുതൽ ഭാഗവത പാരായണം തുടർച്ച, വൈകിട്ട് ആറിന് ചുറ്റുവിളക്കിൽ ദീപം തെളിയിക്കൽ, 6.30ന് ദീപാരാധന, ഏഴിന് ഭഗവതി സേവ, 7.30ന് യജ്ഞശാലയിൽ നാമജപം, പ്രഭാഷണം, 8.30ന് മംഗളാരതി, ഒമ്പതിന് ഹരിപ്പാട് ദേവസേന അവതരിപ്പിക്കുന്ന ഭജൻസ്. നാളെ രാവിലെ പതിവ് പൂജകൾ, 7.30ന് കുടുംബ പ്രാർത്ഥനാ പൂജ, എട്ടിന് ഭാഗവത പാരായണം, ഒമ്പതിന് സ്വധാമപ്രാപ്തി സ്വർഗ്ഗാരോഹണം, 10ന് അവഭൃഥസ്നാന ഘോഷയാത്ര (ആറാട്ട്), 11.30ന് ഭാഗവത സമർപ്പണം, ഉച്ചയ്ക്ക് ഒന്ന് മുതൽ സമൂഹ സദ്യ, രണ്ടിന് ഉത്സവകേളികൊട്ട്, വൈകിട്ട് നാലിന് താലപ്പൊലി ഘോഷയാത്ര, ആറിന് ചുറ്റുവിളക്കിൽ ദീപം തെളിയിക്കൽ, 6.30 ന് ദീപാരാധന, ഏഴിന് ഭഗവതി സേവ, എട്ടിന് വെടിക്കെട്ട്. 8.30ന് സമാപന സമ്മേളനം നടക്കും. ദേവസ്വം പ്രസിഡന്റ് വി.പി. ബാബുവിന്റെ അദ്ധ്യക്ഷതയിൽ ഡീൻ കുര്യാക്കോസ് എം.പി ഉദ്ഘാടനം ചെയ്യും. മലനാട് സർവീസ് സഹകരണ ബാങ്ക് പ്രസിഡന്റ് അഡ്വ. സിറിയക് തോമസ് പ്രതിഭകളെ ആദരിക്കും. മാത്യു ജോൺ (എ.ബി.ജി ഗ്രൂപ്പ്) മുഖ്യപ്രഭാഷണം നടത്തും. ദേവസ്വം രക്ഷാധികാരി അജിത് ദിവാകരൻ സന്ദേശം നൽകും. ഒമ്പതിന് ഗാനമേള.