ചെറുതോണി: എൽ.ഡി.എഫ് സ്ഥാനാർത്ഥി ജോയ്സ് ജോർജ്ജ് ഇന്നലെ മുരിക്കാശ്ശേരിയിൽ നിന്ന് പര്യടനം ആരംഭിച്ചു. തുടർന്ന് പടമുഖം സ്‌നേഹമന്ദിരത്തിൽ അന്തേവാസികളോടൊപ്പം സമയം ചെലവഴിച്ചു. എല്ലാവർക്കും ഈസ്റ്റർ ആശംസകൾ നേർന്നും പ്രാർത്ഥനയിൽ പങ്കെടുത്തതിനും ശേഷമാണ് മടങ്ങിയത്. തുടർന്ന് തോപ്രാംകുടി, പ്രകാശ്, കാമാക്ഷി, തങ്കമണി, കാൽവരിമൗണ്ട്, ഏലപ്പാറ, പീരമേട്, പാമ്പനാർ, വണ്ടിപ്പെരിയാർ, മ്ലാമല, വാളാർഡി എന്നിവിടങ്ങളിൽ പര്യടനം നടത്തി. പീരുമേട്ടിൽ പ്ലാക്കത്തടത്തിൽ നാട്ടുകൂട്ട ചർച്ചയിൽ പങ്കെടുത്തു. പീരമേട് ശ്രീകൃഷ്ണ സ്വാമി ക്ഷേത്രവും സന്ദർശിച്ചു. ക്ഷേത്രത്തിൽ സപ്താഹത്തോട് അനുബന്ധിച്ച് നടന്ന അന്നദാന ചടങ്ങിലും പങ്കെടുത്ത് ഭക്ഷണവും കഴിച്ചാണ് സ്ഥാനാർത്ഥി മടങ്ങിയത്. ഈസ്റ്റർ പ്രമാണിച്ച് ഇന്ന് പര്യടനം ഇല്ല. തിങ്കളാഴ്ച തൊടുപുഴ മണ്ഡലത്തിൽ പര്യടനം നടത്തും.