പേരാവൂർ: മണത്തണ-പേരാവൂർ യു.പി സ്‌കൂളിന്റെ ഒരു വർഷം നീണ്ടുനിന്ന നൂറാം വാർഷികാഘോഷങ്ങളുടെ സമാപനം ഇന്നു മുതൽ മൂന്ന് ദിവസം വിവിധ പരിപാടികളോടെ നടക്കുമെന്ന് സംഘാടകർ അറിയിച്ചു. ഇന്നു രാവിലെ 10ന് സ്‌കൂൾ കലോത്സവ വിജയികൾക്കുള്ള അനുമോദനം എ.ഇ.ഒ കെ.എ. ബാബുരാജ് ഉദ്ഘാടനം ചെയ്യും. നാളെ രാവിലെ 10ന് സ്‌കൂൾ വിദ്യാർത്ഥികളുടെയും അങ്കണവാടി കുട്ടികളുടെയും കലാപരിപാടികൾ. ബുധനാഴ്ച നൂറാം വാർഷികാഘോഷങ്ങളുടെ സമാപന സമ്മേളനം പി. സന്തോഷ്‌കുമാർ എം.പി ഉദ്ഘാടനം ചെയ്യും. സുവനീർ പ്രകാശനം പേരാവൂർ ഡിവൈ.എസ്.പി അഷറഫ് തെങ്ങലക്കണ്ടി നിർവഹിക്കും. വാർത്താസമ്മേളനത്തിൽ പ്രധാന അദ്ധ്യാപിക യു.വി. സജിത, സ്‌കൂൾ മാനേജർ ടി.കെ. പ്രേമകുമാരി, പി.ടി.എ പ്രസിഡന്റ് കെ.ടി. മുഹമ്മദ് മുസ്തഫ, മദർ പി.ടി.എ പ്രസിഡന്റ് റീജി റെന്നി, വി. ഷീബ, ഇ. അഖില എന്നിവർ സംബന്ധിച്ചു.