കാസർകോട്: കേന്ദ്രസർക്കാർ നടപ്പിലാക്കിയ പൗരത്വ ഭേദഗതി ബിൽ രാജ്യത്തെ വിഭജനത്തിലേക്ക് നയിക്കുമെന്നും ഇന്ത്യ മുന്നണി അധികാരത്തിൽ വന്നാൽ ആ ബിൽ നടപ്പിലാക്കില്ലെന്നും എ.ഐ.സി.സി വർക്കിംഗ് കമ്മിറ്റി അംഗം ചെന്നിത്തല പറഞ്ഞു. ഇന്ത്യയുടെ മതേതരത്വവും ജനാധിപത്യവും സംരക്ഷിക്കാൻ മുന്നണി അധികാരത്തിൽ വരേണ്ടത് അനിവാര്യമാണെന്നും ചെന്നിത്തല പറഞ്ഞു.

ലോക്‌സഭാ തിരഞ്ഞെടുപ്പുമായി ബന്ധപ്പെട്ട് കാസർകോട് പാർലമെന്റ് മണ്ഡലം നേതൃതല യോഗം ഉദ്ഘാടനം ചെയ്യുകയായിരുന്നു അദ്ദേഹം. തിരഞ്ഞെടുപ്പ് കമ്മിറ്റി ചെയർമാൻ കല്ലട്ര മാഹിൻ ഹാജി അദ്ധ്യക്ഷത വഹിച്ചു. ജനറൽ കൺവീനർ പി.കെ ഫൈസൽ, കൺവീനർ എ. ഗോവിന്ദൻ നായർ, എൻ.എ നെല്ലിക്കുന്ന് എം.എൽ.എ, മുൻമന്ത്രി സി.ടി അഹമ്മദാലി, കെ.പി കുഞ്ഞിക്കണ്ണൻ, എ. അബ്ദുറഹിമാൻ, ഹക്കീം കുന്നിൽ, കെ. നീലകണ്ഠൻ, ബാലകൃഷ്ണൻ പെരിയ, ഹരീഷ് ബി. നമ്പ്യാർ, നാഷണൽ അബ്ദുള്ള, പി.എ അഷ്റഫലി, മണ്ഡലം തിരഞ്ഞെടുപ്പ് കോഡിനേറ്റർ അഡ്വ. സൈമൺ അലക്സ്, അഡ്വ. എ. ഗോവിന്ദൻ നായർ എന്നിവർ സംസാരിച്ചു. യു.ഡി.എഫ് ലോക്‌സഭ മണ്ഡലം തിരഞ്ഞെടുപ്പ് കമ്മിറ്റി അംഗങ്ങളും നിയോജകമണ്ഡലം യു.ഡി.എഫ് ഭാരവാഹികളും യോഗത്തിൽ പങ്കെടുത്തു.