കോഴിക്കോട് : കോഴിക്കോട് ജില്ലാ ലൈബ്രറി കൗൺസിൽ പദ്ധതിയുടെ ഭാഗമായി കാളാണ്ടിത്താഴം ദർശനം സാംസ്‌കാരിക വേദി പുസ്തക സംവാദം സംഘടിപ്പിച്ചു. കേരള സാഹിത്യ അക്കാഡമി സമഗ്ര പുരസ്‌കാരജേതാവ് എഴുത്തുകാരി ജാനമ്മ കുഞ്ഞുണ്ണി ക്യാമ്പ് ഉദ്ഘാടനം ചെയ്തു. ജില്ലാ ലൈബ്രറി കൗൺസിൽ അംഗം ചൂലൂർ ഗോപാലകൃഷ്ണൻ അദ്ധ്യക്ഷത വഹിച്ചു.
സ്വതന്ത്ര ബുക്സ് പ്രസിദ്ധീകരിച്ച ഡഗ്ളസ് ഡി സിൽവയുടെ പച്ചക്കാട്ടിലെ കല്ലറകൾ എന്ന ഓർമ്മ എഴുത്തു പുസ്തകത്തെക്കുറിച്ച് സുജിൻ മാനുവൽ പഠനം അവതരിപ്പിച്ചു. എഴുത്തുകാരികളായ ശ്രീലതാ രാധാകൃഷ്ണൻ ഓർമ്മകളുടെ സുഗന്ധം ലീലാവതി ശിവദാസ് ഭാഷയിൽ നിറയുന്ന ഓർമ്മ സൽമി സത്യാർത്ഥി ഓർമ്മകൾ വാക്കുകളാകുമ്പോൾ'എന്നീ വിഷയങ്ങളിൽ പ്രതികരണം അവതരിപ്പിച്ചു.