മേപ്പയ്യൂർ : മേപ്പയ്യൂർ ഗവ. ഹയർ സെക്കൻഡറി സ്കൂളിന് സമീപം ഡി.വൈ.എഫ്.ഐ നിർമ്മിച്ച അമൽ കൃഷ്ണ സ്മാരക ബസ് ഷെൽട്ടർ മുൻ സംസ്ഥാന ട്രഷറർ എസ്.കെ. സജീഷ് ഉദ്ഘാടനം ചെയ്തു. ഡി.വൈ.എഫ്.ഐ മേപ്പയ്യൂർ നോർത്ത് മേഖലാ സെക്രട്ടറി അരുൺ. ജി.ദേവ് അദ്ധ്യക്ഷത വഹിച്ചു. അമൽ കൃഷ്ണയുടെ പിതാവ് ആർ.എം. ബാബു പങ്കെടുത്തു. സി.പി.എം മേപ്പയ്യൂർ നോർത്ത് ലോക്കൽ സെക്രട്ടറി പി.പി.രാധാകൃഷ്ണൻ, കെ.കെ.വിജിത്ത്, അമൽ ആസാദ്, വി.പി. രമ , എസ്.എഫ്.ഐ ഏരിയാ സെക്രട്ടറി അമൽജിത്ത്, അനൂജ, പി.എം. അഭിനവ്, ധീരജ് എന്നിവർ പ്രസംഗിച്ചു. കെ.കെ. ഷിജു സ്വാഗതവും പി.എം.വിനോദൻ നന്ദിയും പറഞ്ഞു.