എലിക്കുളം,: പാലാ -പൊൻകുന്നം റോഡിൽ അഞ്ചാംമൈലിൽ വഴിയരുകിൽ അമ്മച്ചിയുടെ അടുക്കള ഭക്ഷണശാലയുമായി കുടുംബശ്രീ. ഉച്ചകഴിഞ്ഞ് 2 മുതൽ രാത്രി 8 വരെ അമ്മച്ചീടെ അടുക്കള പ്രവർത്തിക്കും. നാടൻ പലഹാരങ്ങൾ കൂടാതെ ചായ, കാപ്പി, ചപ്പാത്തി, പൊറോട്ട, ചിക്കൻ , ബീഫ്, വെജിറ്റബിൾ കറി എന്നിവ ഇവിടെ ലഭ്യമാണ്.അമ്മച്ചിയുടെ അടുക്കളയുടെ ഉദ്ഘാടനം എലിക്കുളം പഞ്ചായത്ത് പ്രസിഡന്റ് ജിമ്മിച്ചൻ ഈറ്റത്തോട്ടും മുൻപഞ്ചായത്ത് പ്രസിഡന്റ് എസ്. ഷാജിയും ചേർന്ന് നിർവഹിച്ചു. ബ്ലോക്ക് പഞ്ചായത്തംഗം പ്രൊഫ.എം.കെ.രാധാകൃഷ്ണൻ ,പഞ്ചായത്ത് വൈസ് പ്രസിഡന്റ് സൂര്യാ മോൾ, പഞ്ചായത്തംഗങ്ങളായ അഖിൽ അപ്പുക്കുട്ടൻ,മാത്യൂസ് പെരുമനങ്ങാട്, സിനി ജോയ്, സിൽവി വിൽസൺ,ആശ റോയ്, ദീപ ശ്രീജേഷ്, സിനിമോൾ കാക്കശ്ശേരിൽ, കെ.എം. ചാക്കോ , നിർമ്മല ചന്ദ്രൻ ,ജെയിംസ് ജീരകത്ത് ,യമുന പ്രസാദ് . നിറവ് @ 60 പ്രസിഡന്റ് രാധാകൃഷ്ണപിള്ള . സെക്രട്ടറി വി.പി.ശശി, ഫെയ്‌സ് സെക്രട്ടറി കെ.ആർ.മന്മഥൻ, കില ഫാക്കൽറ്റി കെ.എൻ. ഷീബ,അമ്മച്ചീടെ അടുക്കളയുടെ സംഘാടക ലൈസാമ്മ എന്നിവർ സംസാരിച്ചു.