വയലാ: എസ്.എൻ.ഡി.പി യോഗം 1131 നമ്പർ വയലാ ശാഖാ ശ്രീ ബാലസുബ്രഹ്മണ്യസ്വാമി ക്ഷേത്രത്തിൽ ഉത്സവം 12ന് കൊടിയേറുമെന്ന് ശാഖ സെക്രട്ടറി എ.ഡി സജീവ് അറിയിച്ചു. 12ന് രാവിലെ 10.45 നും 11.15 നും മദ്ധ്യേ പറവൂർ രാകേഷ് തന്ത്രിയുടെയും മേൽശാന്തി കളത്തൂർ ബാബു ശാന്തിയുടെയും മുഖ്യകാർമികത്വത്തിൽ കൊടിയേറ്റ്. തിരുവുത്സവ സംഗമം മീനച്ചിൽ യൂണിയൻ ചെയർമാൻ സുരേഷ് ഇട്ടിക്കുന്നേൽ ഉദ്ഘാടനം ചെയ്യും. ശാഖാ പ്രസിഡന്റ് അനിൽകുമാർ പി .റ്റി അദ്ധ്യക്ഷത വഹിക്കും. യൂണിയൻ കൺവീനർ എം.ആർ. ഉല്ലാസ്, ശാഖ സെക്രട്ടറി എ.ഡി സജീവ്, പി കെ അനീഷ്, സി.റ്റി രാജൻ, സാബു കെ ജി, സുധീഷ് ചെമ്പൻകുളം, സജി കുന്നപ്പള്ളി, എം കെ സോമൻ, മിനർവ മോഹൻ, സംഗീത അരുൺ, അരുൺ കുളമ്പള്ളി, ഗോപകുമാർ പിറയാർ, ബ്രിഡ്‌സൺ മല്ലികശേരി, എ.പി സതീശൻ, പി ജി ഷാജി, അനില സജീവ്, വല്ലി ശശി, ദിനീഷ്, അനീഷ് കെ രാജൻ, ടി.കെ സജി എന്നിവർ പ്രസംഗിക്കും.
1ന് മഹാപ്രസാദവൂട്ട്, വൈകിട്ട് 6 ന് ഡോ. പൽപ്പു സ്മാരക കുടുംബയോഗത്തിന്റെ നേതൃത്വത്തിൽ അച്ചുകുന്ന് ജംഗ്ഷനിൽ നിന്നും ഘോഷയാത്ര. തുടർന്ന് കലാവേദിയിൽ തിരുവരങ്ങ്, തിരുവാതിര, കൈകൊട്ടിക്കളി എന്നിവ നടക്കും.
13ന് രാവിലെ നവകം പഞ്ചഗവ്യ കലശാഭിഷേകം, ശ്രീഭൂതബലി. വൈകിട്ട് 7.30ന് കീർത്തനം, 7. 45ന് കൈകൊട്ടികളി.

14 ന് രാവിലെ 8.30 ന് നവകം പഞ്ചാഭിഷേകം ശ്രീഭൂതബലി. വൈകിട്ട് താലപ്പൊലി ഘോഷയാത്ര, 7.30ന് ഭക്തിഗാനമേള.

15ന് വൈകിട്ട് ഏഴിന് കരിങ്കാളി ഫോക്ക് മെഗാഷോ.

16ന് രാവിലെ 8.30ന് നവകം പഞ്ചഗവ്യഭിഷേകം ശ്രീഭൂതബലി കാഴ്ചശ്രീബലി തുടർന്ന് രഥത്തിൽ എഴുന്നള്ളത്ത്, 10.30ന് അനൂപ് വൈക്കം നയിക്കുന്ന പ്രഭാഷണം, 1ന് മഹാപ്രസാദഊട്ട്, വൈകിട്ട് 5.30ന് രഥത്തിൽ എഴുന്നള്ളത്ത്, 7ന് പൂമൂടൽ, 7.30ന് ഭക്തിഘോഷലഹരി, 10ന് പള്ളിവേട്ട പള്ളിനിദ്ര.

17ന് രാവിലെ 10.30ന് ബിജു പുളിക്കലേടത്ത് നയിക്കുന്ന പ്രഭാഷണം, 1ന് മഹാപ്രസാദവൂട്ട്, 3.30ന് ആറാട്ട് ബലി, ആറാട്ടുപുറപ്പാട്, വൈകിട്ട് 6ന് ഞരളപ്പുഴ ശ്രീധർമ്മശാസ്താക്ഷേത്രത്തിൽ നിന്നും ആറാട്ട് രഥ കാവടി ഘോഷയാത്ര. 9.30ന് കൊടിയിറക്കൽ തുടർന്ന് അത്താഴഊട്ട്.