കോട്ടയം: 'നല്ല നാളേയ്ക്കായ് സുസ്ഥിര വികസനം 'എന്ന വിഷയത്തിൽ ഉഴവൂർ സെന്റ് സ്റ്റീഫൻസ് കോളേജിൽ നടക്കുന്ന അന്താരാഷ്ട്ര കോൺഫറൻസ് ക്വയുസിയോ 24 (QUAESITIO 24) ഉദ്ഘാടനം ഇന്നലെ ശ്യാംചന്ദ് സി.ഐ.എഫ്.എസ് നിർവഹിച്ചു. സുസ്ഥിര വികസനം എന്ന ആശയത്തിന്റെ അന്താരാഷ്ട്ര മാനത്തെ കുറിച്ചും അന്തർദേശീയ നയങ്ങളുടെ ചാലക ശക്തിയായി മാറേണ്ടത്തിന്റെ ആവശ്യകതയെക്കുറിച്ചും അദ്ദേഹം സംസാരിച്ചു. ഡോ. മുഹമ്മദ്​ ഹാത്ത ( കുസാറ്റ് ) മുഖ്യപ്രഭാഷണത്തിലൂടെ വിഷയാവതരണം നടത്തി.

കോളേജ് പ്രിൻസിപ്പാൾ ഡോ. സ്റ്റീഫൻ മാത്യു അധ്യക്ഷനായ സമ്മേളനത്തിൽ കോളേജ് ബർസാർ ഫാ. ജിൻസ് നെല്ലിക്കാട്ടിൽ ആമുഖപ്രഭാഷണം നടത്തി. കോൺഫറൻസ് കോർഡിനേറ്റർ ഡോ. തോമസ് കെ. സി. സ്വാഗതവും റിസർച്ച് സെൽ കൺവീനർ ഡോ. ജിഷ ജോർജ് കൃതജ്ഞതയും പറഞ്ഞു.

കോൺഫറൻസിൽ പ്രഭാഷകരായ ഡോ. രാജേഷ് കെനോത് (കുഫോസ്), ഡോ. ജോസ് ചാത്തുകുളം, ഷെറിൻ തണ്ടുപാറക്കൽ (ന്യൂ ഡൽഹി), ഡോ. നൈക് ദത്താനി (കാനഡ), ഡോ. ഗബ്രിയേൽ സൈമൺ തട്ടിൽ (കേരള സർവകലാശാല), ഡോ. എബി സി. പൗലോസ് (ചെക്ക് റിപ്പബ്ലിക് ), ഡോ. എമിൽഡാ ജോസഫൈൻ (ഉസ്‌ബെക്കിസ്ഥാൻ)തുടങ്ങിയവർ വിവിധ സെഷനുകളിൽ പ്രഭാഷണങ്ങൾ നടത്തും. പരിസ്ഥിതി പ്രവർത്തകനും എഴുത്തുകാരനുമായ സി. ആർ. നീലകണ്ഠൻ ഇന്ന് നടക്കുന്ന സമാപന സമ്മേളനത്തിൽ മുഖ്യപ്രഭാഷണം നടത്തും.