കാളികാവ്: കാളികാവ് ദേവീക്ഷേത്രത്തിലെ മീനപ്പൂര മഹോത്സവത്തിന് 18 ന് കൊടിയേറുമെന്ന് ഉപദേശക സമിതി സെക്രട്ടറി എസ്. ആർ. ഷിജോ അറിയിച്ചു. വൈകിട്ട് 7 മുതൽ പഞ്ചാരിമേളം, 7.30 നും 8.30 നും മദ്ധ്യേ ക്ഷേത്രം തന്ത്രി മനയത്താറ്റ് ഇല്ലത്ത് ദിനേശൻ നമ്പൂതിരിയുടെയും മേൽശാന്തി മംഗലത്തുമന അജയൻ നമ്പൂതിരിയുടെയും മുഖ്യ കാർമികത്വത്തിൽ കൊടിയേറ്റ്. തുടർന്ന് മഹാപ്രസാദമൂട്ട്, കാളമെഴുത്തും പാട്ടും. കലാവേദിയിൽ രാത്രി ഒൻപതിന് ഗാനമേള.

19 ന് രാവിലെ ശ്രീബലി ശ്രീഭൂതബലി, 12.30 ന് മഹാപ്രസാദമൂട്ട്. വൈകിട്ട് 6 ന് കുറവിലങ്ങാട് അയ്യപ്പ സേവാ സംഘത്തിന്റെ നേതൃത്വത്തിൽ ശ്രീ ചാമണ്ഡേശ്വരി ദേവി ക്ഷേത്രത്തിൽ നിന്നും താലപ്പൊലി ഘോഷയാത്ര, രാത്രി 8.45 ന് കളമെഴുത്തും പാട്ടും. കലാവേദിയിൽ 7.30 ന് തിരുവാതിര, ഓട്ടൻതുള്ളൽ.

20 ന് രാവിലെ ത്രികാലപൂജ, കളഭാഭിഷേകം, ശ്രീബലി ശ്രീഭൂതബലി, 12.30 ന് മഹാപ്രസാദഊട്ട്, വൈകിട്ട് 6 ന് കാളികാവ് ശ്രീ ബാലസുബ്രഹ്മണ്യസ്വാമി ക്ഷേത്രത്തിൽ നിന്നും താലപ്പൊലി ഘോഷയാത്ര. രാത്രി 8.45 ന് കളമെഴുത്തും പാട്ടും, 9 ന് വിളക്ക്. കലാവേദിയിൽ രാത്രി 8 ന് ഗാനമേള.

21 ന് രാവിലെ ത്രികാലപൂജ കളഭാഭിഷേകം, ശ്രീബലി ശ്രീഭൂതബലി, 9 ന് പള്ളിയമ്പിൽ നിന്നും ജനത ജംഗ്ഷനിൽ നിന്നും കുംഭകുട ഘോഷയാത്ര, താന്നിക്കൽ പ്രദേശത്തുനിന്നും താലപ്പൊലി ഘോഷയാത്ര, 10 ന് ആയില്യം പൂജ, 11.45 ന് കുംഭകുട അഭിഷേകം, 12.30 ന് മഹാപ്രസാദഊട്ട്. വൈകിട്ട് 5 ന് കാഴ്ച ശ്രീബലി, 8.45 ന് കളമെഴുത്തും പാട്ടും, 9 ന് വിളക്ക്. കലാവേദിയിൽ രാത്രി 7 ന് നൃത്തനൃത്യങ്ങൾ, 7.30 ന് തിരുവാതിര, 8.30 ന് നാടകം.

22 ന് രാവിലെ 10.30 ന് ഉത്സവബലി, 12 ന് ഉത്സവ ബലിദർശനം, പഞ്ചവാദ്യം, 12.30 ന് മഹാപ്രസാദമൂട്ട്. വൈകിട്ട് 5 ന് കാഴ്ച ശ്രീബലി, 8.45 ന് കാളമെഴുത്തു പാട്ടും, 9 ന് പള്ളിവേട്ട പുറപ്പാട്, തുടർന്ന് കാളികാവ് ലക്ഷ്മി നാരായണ ദേവസ്ഥാനത്ത് പള്ളിവേട്ട, 11.45 ന് പള്ളിവേട്ട എതിരേൽപ്പ്, 1 ന് ഗരുഡൻ തൂക്കം. കലാവേദിയിൽ 8.30 ന് നൃത്ത നാടകം.

23 ന് രാവിലെ 7.30 ന് ആറാട്ടുബലി, 7.45 ന് കൊടിയിറക്ക്, 8 ന് ആറാട്ട് പുറപ്പാട്, 9 ന് ആറാട്ട് എതിരേൽപ്പ്, 10.30 ന് ഇരുപത്തിയഞ്ചു കലശം, 11 ന് പൂരം ഇടി, 12.30 ന് ആറാട്ട് സദ്യ.

24 ന് രാവിലെ 8 ന് പൊങ്കാല ആരംഭം, വലിയ പായസം, പ്രസാദഊട്ട് എന്നിവ നടക്കും.