എരുമേലി: വീടിന്റെ മുന്നിൽ വാഹനം പാർക്ക് ചെയ്തത് ചോദ്യം ചെയ്തതിനെ തുടർന്നുണ്ടായ സംഘർഷത്തിൽ ഇരു കൂട്ടരേയും പൊലീസ് അറസ്റ്റ് ചെയ്തു. എരുമേലി, മുട്ടപ്പള്ളി, 40 ഏക്കർ ഭാഗത്ത്, തൊട്ടിയിൽ വീട്ടിൽ ശിവൻപിള്ള (58) ഇയാളുടെ മക്കളായ ആകാശ് പിള്ള (29), ആശാന്ത് പിള്ള (27), എരുമേലി മുട്ടപ്പള്ളി 40 ഏക്കർ ഭാഗത്ത് കുന്നേപറമ്പിൽ വീട്ടിൽ കണ്ണൻ എന്നുവിളിക്കുന്ന ഷൈമോൻ കെ.ജി (33), എരുമേലി മുട്ടപ്പള്ളി 40 ഏക്കർ ഭാഗത്ത് കോലഞ്ചിറ വീട്ടിൽ കുഞ്ഞായി എന്ന് വിളിക്കുന്ന രാജേഷ് കുമാർ (48) എന്നിവരെയാണ് പൊലീസ് അറസ്റ്റ് ചെയ്തത്. കഴിഞ്ഞദിവസം രാത്രി 8.30 മണിയോടുകൂടി ശിവൻ പിള്ളയുടെ വീടിന് മുന്നിൽ രാജേഷ് കുമാർ തന്റെ പെട്ടി ഓട്ടോറിക്ഷ പാർക്ക് ചെയ്തതിനെ ചൊല്ലി സംഘർഷമുണ്ടായിരുന്നു. തുടന്ന് രാജേഷും ഷൈമോനും , ശിവൻപിള്ളയുടെ വീട്ടിൽ കയറി വീട്ടമ്മയെ ആക്രമിക്കുകയായിരുന്നു. തുടർന്ന് എരുമേലി പൊലീസ് ഇരുകൂട്ടർക്കുമെതിരെ കേസ് രജിസ്റ്റ‌ർ ചെയ്യുകയും ഇവരെ പിടികൂടുകയുമായിരുന്നു.