ചങ്ങനാശ്ശേരി : എസ്.എൻ.ഡി.പി യോഗം ചങ്ങനാശ്ശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതി- യുവാക്കൾക്കായി നടത്തുന്ന വിവാഹ പൂർവ കൗൺസലിംഗ്‌ കോഴ്‌സ് 16,17 തീയതികളിൽ മതുമൂല യൂണിയൻ മന്ദിര ഹാളിൽ നടക്കും. 16 ന് രാവിലെ 9 ന് യൂണിയൻ പ്രസിഡന്റ് ഗിരീഷ്‌ കോനാട്ട് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. വൈസ് പ്രസിഡന്റ് പി.എം.ചന്ദ്രൻ മുഖ്യപ്രസംഗം നടത്തും. ബോർഡ് മെമ്പർ എൻ.നടേശൻ ആശംസ പറയും. യൂണിയൻ കൗൺസിലർ പി.അജയകുമാർ സ്വാഗതവും, ജോയിന്റ് കോ - ഓർഡിനേറ്റർ രമേശ് ഗുരുകുലം നന്ദിയും പറയും ഗ്രെയ്‌സ് ലാൽ, രാജേഷ് പൊന്മല, സുരേഷ് പരമേശ്വരൻ, ഡോ.ശരത്ചന്ദ്രൻ, സജീവ് പൂവത്ത് എന്നിവർ ക്ലാസ് നയിക്കും. പങ്കെടുക്കാൻ ആഗ്രഹിക്കുന്നവർ ശാഖാ മുഖേനയോ യൂണിയൻ ഓഫീസിൽ നേരിട്ടോ രജിസ്റ്റർ ചെയ്യണം. ഫോൺ : 0481-2420915, 9447780915 .