കോട്ടയം: സ്കൂട്ടർ മോഷണക്കേസിൽ വെമ്പള്ളി കളത്തൂർ ഭാഗത്ത് ചേന്നാപ്രാമലയിൽ വീട്ടിൽ അനീഷ് കുമാറിനെ (26) കടുത്തുരുത്തി പൊലീസ് അറസ്റ്റ് ചെയ്തു. കോതനെല്ലൂർ നമ്പ്യാകുളം സ്വദേശിയായ യുവാവിന്റെ വീടിന്റെ പോർച്ചിൽ ഉണ്ടായിരുന്ന ഹോണ്ട ആക്ടീവ സ്കൂട്ടർ മോഷ്ടിച്ചു കടന്നു കളയുകയായിരുന്നു.

കഴിഞ്ഞ ദിവസം നടത്തിയ വാഹന പരിശോധനയിൽ ഇയാളെ സ്കൂട്ടറുമായി പിടികൂടുകയുമായിരുന്നു.കോതനെല്ലൂരുള്ള ആളൊഴിഞ്ഞ മറ്റൊരു വീട് കുത്തിത്തുറന്ന് മോഷണം നടത്തിയതായും സമ്മതിച്ചു. കടുത്തുരുത്തി സ്റ്റേഷൻ എസ്.ഐ സിംഗ് സി.ആർ, ബഷീർ, റോജിമോൻ, എ.എസ്.ഐ റെജിമോൾ, സി.പി.ഓ അർജുൻ എന്നിവർ ചേർന്നാണ് അറസ്റ്റ് ചെയ്തത്.