പാലാ : വിനോദ സഞ്ചാരകേന്ദ്രമായ ഇല്ലിക്കൽകല്ലിലേക്ക് സ്വകാര്യ ബസ് സർവീസ് ആരംഭിച്ചു മാണി സി കാപ്പൻ എം.എൽ.എ ഫ്ലാഗ് ഒഫ് ചെയ്തു. കാഞ്ഞിരംകവലയെയും, പാലായെയും ബന്ധിപ്പിച്ചാണ് സർവീസ്. പഴുക്കാക്കാനം , മങ്കൊമ്പ് ക്ഷേത്രം, ഈരാറ്റുപേട്ട വഴി സർവീസ് പാലായിലെത്തും. പഴുക്കാക്കാനത്തു നിന്ന് ഒന്നര കിലോമീറ്റർ മാത്രമാണ് ഇല്ലിക്കൽ കല്ലിലേക്ക്. ശനി, ഞായർ ദിവസങ്ങളിൽ സഞ്ചാരികൾക്കായി ബസ് ഇല്ലിക്കൽ കല്ലിലെ പാർക്കിംഗ് ഗ്രൗണ്ട് വരെ എത്തും.പാലായിൽ നിന്ന് 7.57, 12.20, 4.50 കാഞ്ഞിരം കവലയിൽ നിന്ന് രാവിലെ 5.30, 10.5, 2.40 എന്നീ സമയങ്ങളിലുമാണ് സർവീസ്. ബസ് സർവീസ് ആരംഭിക്കുന്നതോടെ പഴുക്കാക്കാനം മേഖലയിലെ യാത്ര ക്ലേശത്തിനും പരിഹാരമാകും.