കോട്ടയം : വെള്ളാവൂർ ഗ്രാമപഞ്ചായത്തിന് പുതിയ കെട്ടിടം ഒരുങ്ങുന്നു. ചീഫ് എൻ.ജയരാജിന്റെ പ്രാദേശിക വികസന ഫണ്ടിൽ നിന്ന് 1.5 കോടി രൂപ ചെലവഴിച്ചാണ് കെട്ടിടം നിർമ്മിക്കുന്നത്. 4000 ചതുരശ്ര അടിയിൽ രണ്ട് നിലകളിലായാണ് നിർമ്മാണം. 50 വർഷം പഴക്കം ചെന്ന കെട്ടിടം പൊളിച്ചാണ് പുതിയ കെട്ടിടം നിർമ്മിക്കുന്നത്. നിർമ്മാണോദ്ഘാടനം സർക്കാർ എൻ ജയരാജ് നിർവഹിച്ചു. ഗ്രാമപഞ്ചായത്ത് പ്രസിഡന്റ് ടി.എസ് ശ്രീജിത്ത് അദ്ധ്യക്ഷത വഹിച്ചു. ജലജ മോഹൻ, ജെസി ഷാജൻ, ഹേമലത പ്രേം സാഗർ, കെ.കെ ആനന്ദവല്ലി, റോസമ്മ കോയിപ്പുറം, ടി.കെ ഷിനിമോൾ, രഞ്ജിനി ബേബി, ശ്രീജിത്ത്, മനു മോഹൻ,കെ.എം ഷീബമോൾ എന്നിവർ പങ്കെടുത്തു.