കാളികാവ്: കാളികാവ് ദേവീക്ഷേത്രത്തിലെ മീനപ്പൂര മഹോത്സവത്തിന് 18ന് കൊടിയേറുമെന്ന് ഉപദേശകസമിതി പ്രസിഡന്റ് ഡോ.ശിവദാസ് തെങ്ങുംപള്ളി, സെക്രട്ടറി എസ്.ആർ ഷിജോ എന്നിവർ അറിയിച്ചു. വൈകിട്ട് 7ന് പഞ്ചാരിമേളം, 7.30 നും 8.30 നും മദ്ധ്യേ തന്ത്രി മനയത്താറ്റ് ഇല്ലത്ത് ദിനേശൻ നമ്പൂതിരിയുടെയും മേൽശാന്തി മംഗലത്തുമന അജയൻ നമ്പൂതിരിയുടെ മുഖ്യകാർമുഖത്വത്തിൽ കൊടിയേറ്റ്. തുടർന്ന് മഹാപ്രസാദഊട്ട് കാളമെടുത്തും പാട്ടും. കലാവേദിയിൽ രാത്രി ഒൻപതിന് ഗാനമേള.

19ന് രാവിലെ ശ്രീബലി ശ്രീഭൂതബലി, 12.30ന് മഹാപ്രസാദവൂട്ട്. വൈകിട്ട് 6ന് താലപ്പൊലി ഘോഷയാത്ര, രാത്രി 8.45ന് കളമെഴുത്തുംപാട്ടും. കലാവേദിയിൽ 7.30ന് തിരുവാതിര, ഓട്ടൻതുള്ളൽ.

20ന് രാവിലെ ത്രികാലപൂജ, കളഭാഭിഷേകം, ശ്രീബലി ശ്രീഭൂതബലി, 12.30ന് മഹാപ്രസാദഊട്ട്, വൈകിട്ട് 6ന് കാളികാവ് ശ്രീ ബാലസുബ്രഹ്മണ്യസ്വാമി ക്ഷേത്രത്തിൽ നിന്നും താലപ്പൊലി ഘോഷയാത്ര. രാത്രി 8.45ന് കളമെഴുത്തും പാട്ടും, 9ന് വിളക്ക്. കലാവേദിയിൽ രാത്രി 8ന് ഗാനമേള.

23ന് രാവിലെ 7.30ന് ആറാട്ടുബലി, 7.45ന് കൊടിയിറക്ക്, 8ന് ആറാട്ട് പുറപ്പാട്, 9ന് ആറാട്ട് എതിരേൽപ്പ്, 10.30ന് ഇരുപത്തിയഞ്ചു കലശം, 11ന് പൂരം ഇടി, 12.30ന് ആറാട്ട് സദ്യ. 24ന് രാവിലെ 8ന് പൊങ്കാല ആരംഭം, വലിയ പായസം, പ്രസാദഊട്ട്.