വൈക്കം: വൈക്കം നഗരസഭയുടെ 2023-24 വർഷത്തെ ജനകീയാസൂത്രണ പദ്ധതിയിൽപ്പെടുത്തി 32 ലക്ഷം രൂപ ചിലവിൽ കൃഷി വകുപ്പുമായി സഹകരിച്ചു നടത്തുന്ന വിവിധയിനം കൃഷികൾക്കുള്ള വിത്തുകളും പച്ചക്കറി തൈകളും വിതരണം ചെയ്തു. എച്ച്.ഡി.പി.ഇ ചട്ടിയിൽ പച്ചക്കറി കൃഷി പദ്ധതി, കു​റ്റി കുരുമുളക് പദ്ധതി, കിഴങ്ങ് വർഗങ്ങളുടെ വിതരണ പദ്ധതി, തെങ്ങിന് വളം വിതരണം പദ്ധതി എന്നിവയാണ് നടപ്പാക്കുന്നത്. ചെയർപേഴ്‌സൺ പ്രീതാ രാജേഷ് വിതരണം ഉദ്ഘാടനം ചെയ്തു. വൈസ് ചെയർമാൻ പി.ടി സുഭാഷ് അദ്ധ്യക്ഷത വഹിച്ചു. വികസന കാര്യ സ്​റ്റാൻഡിംഗ് കമ്മ​റ്റി ചെയർപേഴ്‌സൺ സിന്ധു സജീവൻ മുഖ്യപ്രഭാഷണം നടത്തി. കൃഷി ഓഫീസർ ഷീലാ റാണി പദ്ധതി വിശദീകരിച്ചു. സ്​റ്റാൻഡിംഗ് കമ്മറ്റി ചെയർമാൻമാരായ എൻ.അയ്യപ്പൻ, ലേഖാ ശ്രീകുമാർ, ബിന്ദു ഷാജി, കൗൺസിലർമാരായ ബി.രാജശേഖരൻ, രാധികാ ശ്യാം, ബിജിമോൾ എന്നിവർ പ്രസംഗിച്ചു.