പങ്ങ​ട: പാ​മ്പാ​ടി വെ​ള്ളൂർ ഏഴാം മൈലിൽ നിന്നും ആ​രം​ഭി​ച്ച് പൊ​ന്ന​പ്പൻ​ സി​റ്റി- പാ​റാമ​റ്റം -ഗ്രീൻ​വാ​ലി - കൊ​ച്ചു​പറ​മ്പ് ക​വ​ല വ​ഴി കൂ​രോ​പ്പ​ട ടൗ​ണിൽ എ​ത്തുന്ന റോ​ഡ് ബൈപാസ് ആക്കുവാൻ തീ​രു​മാ​നം. പാ​മ്പാടിയിൽ ന​ട​ന്ന ന​വ​കേ​ര​ള​സ​ദസിൽ ന​ല്കി​യ അപേക്ഷയിലാണ് തി​രു​മാനം.
വെ​ള്ളൂരിൽ നി​ന്നും കേ​വ​ലം ആ​റ് കി​ലോ​മീ​റ്റർ യാ​ത്ര ചെയ്താൽ കൂ​രോ​പ്പ​ടയിൽ എ​ത്താം. ഈ പാ​ത ബി​.എം.​ആൻ​ഡ് ബി.​സി​ നി​ല​വാ​രത്തിൽ വീ​തി​കൂ​ട്ടി ബൈ​പാ​സ് റോ​ഡ് ആ​ക്കുവാൻ ബ​ഡ്​ജ​റ്റിൽ ഉൾ​പ്പെ​ടു​ത്തി​യ​താ​യി പൊ​തു​മ​രാമ​ത്ത് വ​കു​പ്പ് അ​ധി​കൃ​തർ അ​റി​യിച്ചു. ബൈ​പാ​സ് വരുന്നതോടെ കൂ​രോ​പ്പ​ട പ​ഞ്ചാ​യ​ത്തി​ന്റെ സ​മ​ഗ്ര​വി​ക​സ​ന​ത്തി​ന് കു​തി​പ്പേകും. ച​രി​ത്ര പ്രാധാ​ന്യ​മു​ള്ള മാ​തൃ​മ​ല രാ​ജ​രാ​ജേ​ശ്വ​രി ക്ഷേ​ത്രം, കൂ​രോ​പ്പ​ട ശ്രീ​ധ​ർ​മ്മ​ശാ​സ്​താ​ക്ഷേത്രം എ​ന്നീ ആ​രാ​ധ​നാ​ല​യ​ങ്ങളും അ​രു​വി​ക്കു​ഴി വി​നോ​ദ​സ​ഞ്ചാ​ര കേ​ന്ദ്രവും ഈ പാ​ത​യോ​ര​ത്താ​ണ്. ശ​ബ​രി​മ​ല തീർ​ത്ഥാ​ട​ന​പാ​തയിൽ അ​യ്യ​പ്പ​ക്ഷേ​ത്ര​ങ്ങൾ കു​റ​വാണെ​ന്നി​രി​ക്കെ കൂ​രോ​പ്പ​ട ക്ഷേ​ത്രത്തിൽ വി​രി​വ​യ്​കാ​നു​ള്ള സൗ​ക​ര്യ​മു​ണ്ട്. പ​ള്ളി​ക്കത്തോ​ട് കൂ​രാ​ലി വ​ഴി പൊൻ​കു​ന്നത്തേക്കും ത​മ്പ​ല​ക്കാ​ട് വ​ഴി കാ​ഞ്ഞി​ര​പ​ള്ളിയിലേക്കും ഈ റൂ​ട്ടി​ലൂ​ടെ വേഗത്തിൽ എ​ത്താ​മെ​ന്ന​തിനാൽ ശ​ബ​രിമല തീർ​ത്ഥാ​ട​കർക്ക് ഈ പാ​ത ഏറെ ഗു​ണ​പ്പെടും. തി​ര​ക്കേറി​യ കെ.കെ.റോ​ഡി​ലൂ​ടെ​യു​ള്ള യാ​ത്ര 28കി​ലോ​മീ​റ്റർ വ​ഴി തി​രി​ച്ചു​വി​ടുവാൻ ഉ​ത​കു​ന്ന ബ​ദൽ പാ​ത​കൂ​ടി​യാ​ണി​ത്. കാ​ഞ്ഞി​രപ്പള്ളി ഈ​രാ​റ്റു​പേ​ട്ട വ​ഴി വാഗ​മൺ ഇ​ടു​ക്കി ടൂ​റി​സ്റ്റ് കേ​ന്ദ്ര​ങ്ങ​ളി​ലേ​ക്ക് എ​ത്താ​മെ​ന്ന​തിനാൽ ബൈ​പാ​സ് റൂ​ട്ട് ഉ​പ​യോ​ഗ​പ്പെ​ടു​ത്തി ബ​സ് സർവീസു​കൾ കൂ​ടി ആ​രം​ഭി​ച്ചാൽ വീ​നോ​ദ​സഞ്ചാ​ര സാ​ദ്ധ്യ​ത​കളും വർ​ദ്ധിക്കും. വെ​ള്ളൂർ-ഗ്രീൻ​വാ​ലി-കൂ​രോ​പ്പ​ട ബൈപ്പാ​സ് യാ​ഥാ​ത്ഥ്യ​മാ​കു​ന്ന​തി​ലു​ള്ള ആ​ഹ്ലാ​ദ​ത്തി​ലാ​ണ് നാ​ട്ടുകാർ.