പ്രവിത്താനം : സെന്റ് മൈക്കിൾസ് ഹയർ സെക്കൻഡറി സ്‌കൂളിലെ ലിറ്റിൽ കൈറ്റ്‌സ് ക്ലബ് അംഗങ്ങൾ തയ്യാറാക്കിയ ഡിജിറ്റൽ മാഗസിൻ 'ഡിജി വിസ്ത' സ്‌കൂൾ മാനേജർ ഫാ. ജോർജ് വേളൂപറമ്പിൽ പ്രകാശനം ചെയ്തു. ക്ലബ് അംഗങ്ങൾ തങ്ങളുടെ പാഠ്യപ്രവർത്തനങ്ങളുടെ ഭാഗമായി പരിചയപ്പെട്ട സ്‌ക്രൈബ്‌സ് സോഫ്‌റ്റ്‌വെയറിലാണ് വിദ്യാർത്ഥികളുടെ കഥകളും, കവിതകളും, വരകളും അടങ്ങിയ ഡിജിറ്റൽ മാഗസിൻ തയ്യാറാക്കിയത്. പൊതുവിദ്യാഭ്യാസ വകുപ്പിലെ ഏറ്റവും വലിയ ഐ.ടി കൂട്ടായ്മയാണ് ലിറ്റിൽ കൈറ്റ്‌സ്. കൈറ്റ് മാസ്റ്റർ ജിനു ജെ. വല്ലനാട്ട്, കൈറ്റ് മിസ്ട്രസ് വിദ്യാ കെ. എസ്. എന്നിവരുടെ മേൽനോട്ടത്തിലാണ് ക്ലബ് പ്രവർത്തിക്കുന്നത്. സ്‌കൂൾ ഹെഡ്മാസ്റ്റർ അജി വി.ജെ., അദ്ധ്യാപകർ, അനദ്ധ്യാപകർ, ക്ലബ് അംഗങ്ങൾ എന്നിവർ പങ്കെടുത്തു.