കോട്ടയം : കുടുംബശ്രീ ഫെസിലിറ്റേഷൻ സെന്ററുകളെ കെട്ടിടനിർമാണാനുമതിക്ക് വേണ്ട പ്ലാൻ വരപ്പ് കേന്ദ്രങ്ങളാക്കുന്നതിനെതിരെ ലെൻസ്‌ഫെഡ് ജില്ലാ കമ്മിറ്റിയുടെ നേതൃത്വത്തിൽ കോട്ടയം നഗരസഭയിലേക്ക് മാർച്ച് നടത്തി. സംസ്ഥാന വ്യാപകമായി നടത്തിയ തൊഴിൽ സംരക്ഷണ സമരത്തിന്റെ ഭാഗമായാണ് മാർച്ച് നടത്തിയത്. മോൻസ് ജോസഫ് എം.എൽ.എ ഉദ്ഘാടനം ചെയ്തു. ലെൻസ്‌ഫെഡ് ജില്ലാ പ്രസിഡന്റ് കെ. സന്തോഷ് കുമാർ അദ്ധ്യക്ഷത വഹിച്ചു. ജില്ലാ സെക്രട്ടറി കെ.കെ.അനിൽകുമാർ, ജില്ലാ ട്രഷറർ ടി.സി.ബൈജു, സംസ്ഥാന സമിതി അംഗങ്ങളായ ബി. വിജയകുമാർ, ജോഷി സെബാസ്റ്റ്യൻ, കെ.എൻ.പ്രദീപ് കുമാർ, സലാഷ് തോമസ്, മുൻ സംസ്ഥാന സെക്രട്ടറി പി.എം.സനിൽ കുമാർ തുടങ്ങിയവർ സംസാരിച്ചു.