ഇന്നത്തെ കാലത്ത് ലിപ്‌സ്റ്റിക്, ലിപ് ബാം എന്നിവ ഉപയോഗിക്കാത്തവർ വളരെ ചുരുക്കമായിരിക്കും. പല നിറത്തിലെ പല ബ്രാൻഡിലുള്ള ലിപ്‌സ്റ്റിക്കുകളും ലിപ് കളറുകളുമെല്ലാം ഇന്ന് വിപണിയിൽ ലഭ്യമാണ്. എന്നാൽ എത്ര വിലകൂടിയവയായിരുന്നാലും ഇവ പതിവായി ഉപയോഗിക്കുമ്പോൾ ചുണ്ടുകളുടെ സ്വാഭാവികനിറം നഷ്ടമാകാം.

പതിവായി ഇത്തരം ഉത്‌പന്നങ്ങൾ ഉപയോഗിക്കുന്നവർ നേരിടുന്ന പ്രധാന പ്രശ്‌‌നമാണ് ചുണ്ടുകൾ കറുത്തിരുണ്ട് പോവുകയെന്നത്. പിന്നീട് ഇത് മറയ്ക്കാൻ ലിപ്സ്റ്റിക് ഒഴിവാക്കാൻ പോലും കഴിയാത്ത അവസ്ഥയിലെത്തുന്നു. എന്നാൽ ചുണ്ടിലെ കറുപ്പ് മാറ്റി നിറം വയ്ക്കാൻ ഒരടിപൊളി വിദ്യ പരീക്ഷിച്ചാലോ? ആദ്യ യൂസിൽതന്നെ ഫലം അറിയാം.

• ആദ്യം ഒരു സ്‌പൂൺ ചെറുനാരങ്ങ നീരും ഒരു സ്‌‌പൂൺ തേനും നന്നായി യോജിപ്പിച്ച് ചുണ്ടിൽ പുരട്ടാം. രണ്ടുമിനിട്ട് നേരം മിശ്രിതം ചുണ്ടിൽ നന്നായി മസാജ് ചെയ്തതിനുശേഷം പത്തുമിനിട്ട് കഴിഞ്ഞ് കഴുകികളയാം. ദിവസത്തിൽ രണ്ടുതവണ ഇങ്ങനെ ചെയ്യാം.
• ചുണ്ടിലെ കറുപ്പ് നിറം മാറ്റാൻ പഞ്ചസാര ഉപയോഗിച്ച് ഒരു സ്‌ക്രബും തയ്യാറാക്കാം. ആദ്യം ഒരു പാൻ ചൂടാക്കി അതിൽ മൂന്ന് സ്‌പൂൺ പഞ്ചസാര ഇട്ട് അര ഗ്ളാസ് വെള്ളം കൂടി ചേർത്ത് നന്നായി ചൂടാക്കണം. ചെറുതായി കുറുകി ലൈറ്റ് ബ്രൗൺ ആകുമ്പോൾ മാറ്റിവയ്ക്കാം. ഇങ്ങനെ ഒരാഴ്‌ച ദിവസേന ചെയ്യുന്നത് ചുണ്ടിന് ചുവപ്പ് നിറം നൽകാൻ സഹായിക്കും.