ധാക്ക: 2.3 മില്യൺ ഡോളർ അപഹരിച്ച കേസിൽ സാ​മ്പ​ത്തി​ക​ ​വി​ദ​ഗ്ധ​നും​ ​നൊ​ബേ​ൽ​ ​ജേ​താ​വു​മാ​യ​ ​മു​ഹ​മ്മ​ദ് ​യൂ​നു​സി​ന് ജാമ്യം അനുവദിച്ച് ബംഗ്ലാദേശ് കോടതി. ദരിദ്രരായ ആളുകളെ സഹായിക്കാൻ മൈക്രോക്രെഡിറ്റിന്റെ ഉപയോഗത്തിന് തുടക്കമിട്ടതിന് 2006-ൽ സമാധാനത്തിനുള്ള നോബൽ സമ്മാനം ലഭിച്ച യൂനസിനെ, തൊഴിൽ നിയമങ്ങൾ ലംഘിച്ചതിന്റെ കുറ്റത്തിന് ജനുവരിയിൽ ആറ് മാസത്തെ തടവിന് ശിക്ഷിച്ചിരുന്നു എന്നാൽ അതിൽ കോടതി ജാമ്യം അനുവദിച്ചു.

രാജ്യത്തെ ഏറ്റവും വലിയ മൊബൈൽ ഫോൺ കമ്പനിയായ നോർവേയിലെ ടെലികോം ഭീമനായ ടെലിനോറിൻ്റെ അനുബന്ധ സ്ഥാപനമായ ഗ്രാമീൺഫോണിൻ്റെ 34.2 ശതമാനം ഉടമസ്ഥതയിലുള്ള ഗ്രാമീൺ ടെലികോമിൻ്റെ തൊഴിലാളികളുടെ ക്ഷേമനിധിയാണ് തട്ടിപ്പ് കേസിൽ ഉൾപ്പെട്ടിരിക്കുന്നതെന്ന് പ്രോസിക്യൂട്ടർ മിർ അഹമ്മദ് അലി സലാം പറഞ്ഞു. 250 ദശലക്ഷത്തിലധികം ടാക്ക അപഹരണവും കള്ളപ്പണം വെളുപ്പിക്കലും ഉൾപ്പെടെയുള്ള കുറ്റങ്ങളാണ് ചുമത്തിയിരിക്കുന്നത്. പ്രതികൾ തൊഴിലാളികൾക്ക് പകരം ട്രേഡ് യൂണിയൻ നേതാക്കൾക്കാണ് പണം നൽകിയത്. ഇതുവഴി സാധാരണ തൊഴിലാളികളുടെ ശരിയായ വരുമാനം അവർ നഷ്ടപ്പെടുത്തി എന്ന് പ്രോസിക്യൂട്ടർ കോടതിയിൽ പറഞ്ഞു. യൂനുസും മറ്റ് ഏഴ് പ്രതികളും ഞായറാഴ്ച കോടതിയിൽ ഹാജരായി. എന്നാൽ മറ്റ് ആറ് പേർ ഹാജരായില്ല. 

83 കാരനായ യൂനുസും മറ്റുള്ളവരും നിരപരാധികളാണെന്ന് പ്രതിഭാഗം അഭിഭാഷകൻ അബ്ദുല്ല അൽ മാമുൻ കോടതിയെ അറിയിച്ചു.
കഴിഞ്ഞ വർഷം, 170-ലധികം ആഗോള നേതാക്കളും നൊബേൽ സമ്മാന ജേതാക്കളും യൂനുസിനെതിരായ നിയമനടപടികൾ താൽക്കാലികമായി നിർത്തിവയ്ക്കാൻ ബംഗ്ലാദേശ് പ്രധാനമന്ത്രി ഷെയ്ഖ് ഹസീനയോട് ആവശ്യപ്പെട്ടിരുന്നു. ഹസീനയുമായുള്ള ബന്ധം വഷളായതാണ് അദ്ദേഹത്തെ ലക്ഷ്യമിട്ടുന്നതെന്ന് അദ്ദേഹത്തിന്റെ അനുയായികൾ പറയുന്നു. ആരോപണങ്ങൾ സർക്കാർ നിഷേധിച്ചു.