തിരുവനന്തപുരം: മലയാറ്റൂർ ട്രസ്റ്റിന്റെ പതിനേഴാമത് മലയാറ്റൂർ അവാർഡ് സാറാ ജോസഫിന്റെ എസ്തേർ എന്ന നോവലിന്. 25000 രൂപയും ശില്പവും പ്രശസ്തിപത്രവുമടങ്ങുന്നതാണ് അവാർഡ്.

ശ്രദ്ധേയരായ യുവ എഴുത്തുകാർക്കുള്ള മലയാറ്റൂർ പ്രൈസ് രജനി സുരേഷിന്റെ 'വള്ളുവനാടൻ വിഷുക്കുടുക്ക' എന്ന ഓർമ്മക്കുറിപ്പുകൾ അടങ്ങിയ പുസ്‌തകത്തിനാണ്. 10001 രൂപയും ശില്പ‌വും പ്രശസ്തി പത്രവുമാണ് അവാർഡ്. മാർച്ച് അവസാന വാരം തിരുവനന്തപുരത്തു വച്ച് അവാർഡുകൾ നൽകുമെന്ന് മലയാറ്റൂർ ട്രസ്റ്റ് ചെയർമാൻ ഡോ.വി.കെ. ജയകുമാർ, സെക്രട്ടറി അനീഷ് കെ.അയിലറ എന്നിവർ വാർത്താസമ്മേളനത്തിൽ അറിയിച്ചു.