കാസർകോട്: യുവാവിനെ മർദ്ദിച്ചുകൊന്ന സംഭവത്തിൽ മൂന്ന് പേർ കസ്റ്റഡിയിൽ. കാസർകോട് മിയാപദവ് മതക്കളകട്ടയിലെ പരേതനായ അബ്ദുള്ളയുടെ മകൻ മുഹമ്മദ് ആരിഫാണ് (21)​ കഴിഞ്ഞ തിങ്കാളാഴ്ച മരിച്ചത്. പൊലീസ് അന്വേഷണത്തിലാണ് ആരിഫിന്റെ മരണം കൊലപാതകമാണെന്ന് തെളിഞ്ഞത്.

മർദ്ദനം മൂലമുള്ള ആന്തരിക രക്തസ്രാവമാണ് മരണകാരണമെന്നാണ് പോസ്റ്റ്‌മോർട്ടം റിപ്പോർട്ട്. ലഹരി ഉപയോഗിച്ച് വീട്ടിൽ സ്ഥിരം പ്രശ്നം ഉണ്ടാക്കുന്നതിനെ തുടർന്നായിരുന്നു മർദ്ദനമെന്ന് പൊലീസ് പറയുന്നു. മഞ്ചേശ്വരം പൊലീസാണ് മൂന്ന് പേരെ കസ്റ്റഡിയിലെടുത്തത്.