കോട്ടയം: ഭാര്യയെ വെട്ടി കൊലപ്പെടുത്താൻ ശ്രമിച്ച കേസിൽ ഭർത്താവ് അറസ്റ്റിൽ. കോഴിക്കോട് ഈങ്കാനപ്പുഴ ഭാഗത്ത് കാഞ്ഞിരക്കാട് വീട്ടിൽ ജോജി കെ തോമസ് (45) എന്നയാളെയാണ് പാലാ പൊലീസ് അറസ്റ്റ് ചെയ്തത്. പുലിയന്നൂർ ഭാഗത്താണ് ദമ്പതിമാർ താമസിച്ചിരുന്നത്. ഇവർ തമ്മിൽ വാക്കുതർക്കം ഉണ്ടാവുകയും തുടർന്ന് പ്രതി വീട്ടിൽ ഉണ്ടായിരുന്ന വാക്കത്തികൊണ്ട് ഭാര്യയുടെ തലയ്ക്ക് വെട്ടുകയായിരുന്നു.

ഇതിന് ശേഷം സംഭവസ്ഥലത്ത് നിന്ന് കടന്നുകളയുകയായിരുന്നു. പാലാ പൊലീസ് നടത്തിയ തിരച്ചിലിനൊടുവിൽ ഇയാളെ ഏറ്റുമാനൂർ റെയിൽവേ സ്റ്റേഷനിൽ നിന്നും പിടികൂടുകയായിരുന്നു. പാലാ സ്റ്റേഷൻ എസ് എച്ച് ഓ ജോബിൻ ആന്റണി, എസ് ഐ ബിനു വി എൽ, സി പി ഓമാരായ രഞ്ജിത്ത്, അരുൺകുമാർ, ശ്യാം എന്നിവർ ചേർന്നാണ് പ്രതിയെ അറസ്റ്റ് ചെയ്ത് കോടതിയിൽ ഹാജരാക്കിയത്.