ചെന്നൈ: റൂപേ പ്രൈം വോളിബാൾ ലീഗിൽ മൂന്നാം സീസണിൽ ബംഗളൂരു ടോർപിഡോസിനെതിരെ ആധികാരിക ജയം കുറിച്ച് ചെന്നൈ ബ്ലി​റ്റ്സ് സൂപ്പർ ഫൈവ്സ് പ്രതീക്ഷ നിലനിറുത്തി. ചെന്നൈ ജവഹർലാൽ നെഹ്റു ഇൻഡോർ സ്‌​റ്റേഡിയത്തിൽ നടന്ന മത്സരത്തിൽ നേരിട്ടുള്ള സെ​റ്റുകൾക്കായിരുന്നു ചെന്നൈയുടെ ജയം. സ്‌കോർ: 16-14, 15-11, 15-13. ദിലിപ് കുമാറാണ് കളിയിലെ താരം.

ഒരു കളി ശേഷിക്കെ എട്ട് പോയിന്റുമായി ആറാമതാണ് ചെന്നൈ. എട്ട് മത്സരം പൂർത്തിയായ ബംഗളൂരു മൂന്നാമതാണ്. രമൺ കുമാറും ദിലിപ് കുമാറും ചെന്നൈക്ക് മുൻതൂക്കം നൽകി. മുജീബിന്റെ ബ്ലോക്കുകളിലൂടെയായിരുന്നു ബംഗളൂരുവിന്റെ പ്രത്യാക്രമണം. സേതുവിനെ തടയുക എന്നതായിരുന്നു ചെന്നൈയുടെ തന്ത്രം. അത് വിജയിച്ചതോടെ കളി കൈയിലായി. ലിയാൻഡ്രോ ജോസിന്റെ സൂപ്പർ സെർവും തുണച്ചു. ജോ, അഖിൻ, ദിലിപ് എന്നിവരെവച്ചുള്ള കോച്ച് ദക്ഷിണാമൂർത്തിയുടെ കളി തന്ത്രം ചെന്നൈക്ക് തുടക്കത്തിൽതന്നെ ലീഡ് നേടാൻ സഹായകരമായി.ഐബിന്റെ കരുത്തു​റ്റ പ്രകടനത്തിലൂടെ ബംഗളൂരു തിരിച്ചുവരാൻ നോക്കിയെങ്കിലും പിഴവുകൾ അവർക്ക് തിരിച്ചടിയായി.ത്തി. സെർവീസ് ലൈനിൽനിന്നുള്ള ഐബിന്റെ ആക്റമണക്കളി തുടർന്നപ്പോഴും ചെന്നൈ നേരിട്ടുള്ള സെ​റ്റുകളിൽ കളി സ്വന്തമാക്കി. ഇന്ന് വൈകിട്ട് 6.30ന് കൊച്ചി ബ്ലൂ സ്‌പൈക്കേഴ്സ് ഹൈദരാബാദ് ബ്ലാക്‌ഹോക്സിനെ നേരിടും.