മുംബയ്: പ്രധാനമന്ത്രി നരേന്ദ്രമോദി മണിപ്പുർ സന്ദർശിക്കണമെന്ന ആവശ്യവുമായി മിക്സഡ് മാർഷ്യൽ ആർട്സ് ഫൈറ്റർ ചുൻങ്‌രെ കുരെൻ. മാട്രിക്സ് ഫൈറ്റ് നൈറ്റ് പോരാട്ടത്തിൽ വിജയിച്ച ശേഷം സംസാരിക്കവെയാണ് പ്രധാനമന്ത്രി നരേന്ദ്ര മോദി ഒരു തവണയെങ്കിലും മണിപ്പുരിലെത്തണമെന്ന് ചുൻങ്‌രെ കുരെൻ അഭ്യർഥിച്ചത്. സംഘർഷ ബാധിതമായ മണിപ്പുരിലെ ജനങ്ങളോടു പ്രധാനമന്ത്രി സംസാരിക്കണമെന്നും മിക്സഡ് മാർഷ്യൽ താരം ആവശ്യപ്പെട്ടു.

താരത്തിന്റെ വീഡിയോ സമൂഹമാധ്യമങ്ങളിൽ വൈറലാണ്. കായിക താരം സംസാരിക്കുന്നതിനിടെ കരയുന്ന ദൃശ്യങ്ങൾ യൂത്ത് കോൺഗ്രസ് അധ്യക്ഷൻ ബി.വി. ശ്രീനിവാസ് ഉൾപ്പെടെയുള്ളവർ സമൂഹമാധ്യമത്തിൽ ആവശ്യപ്പെട്ടു. സംഭവത്തിൽ ബിജെപി ഇതുവരെ പ്രതികരിച്ചിട്ടില്ല. കഴിഞ്ഞ വർഷം മേയ് മാസം മുതൽമണിപ്പൂരിന്റെവിവിധ ഭാഗങ്ങളിലുണ്ടായ അക്രമങ്ങളിൽ ഇരുനൂറിലേറെ പേരാണു കൊല്ലപ്പെട്ടത്.