ചടയമംഗലം: മുൻ വൈരാഗ്യം മൂലം ബന്ധുവായ യുവാവിനെ പെട്രോൾ ഒഴിച്ച് കൊലപ്പെടുത്താൻ ശ്രമിച്ചയാൾ പിടിയിൽ. ചടയമംഗലം ഇടക്കോട് പാറവിള വീട്ടിൽ സനലാണ് (29) ചടയമംഗലം പൊലീസിന്റെ പിടിയിലായത്. ഇയാളുടെ മാതൃസഹോദരിയുടെ മകൻ ചടയമം​ഗലം ഇടക്കോ​ട് പാ​റവി​ള വീട്ടിൽ കലേഷിനാണ് (24) ഗുരുതരമായി പൊള്ളലേ​റ്റത്. ഇയാൾ തിരുവനന്തപുരം മെ​ഡി​ക്കൽ കോ​ളേ​ജ് ആ​ശു​പ​ത്രി​യിൽ തീ​വ്ര​പ​രിച​ര​ണ വി​ഭാ​ഗ​ത്തിൽ ചി​കി​ത്സ​യി​ലാ​ണ്. പൊ​ലീ​സ് പ​റയുന്നത്: ഇന്നലെ വൈകിട്ട് 3ന് പോരേടം ച​ന്ത​മു​ക്കിന് സമീപത്തെ വർക്ക് ഷോപ്പിലായിരുന്നു സം​ഭ​വം. ഉ​റ്റ​ബ​ന്ധു​ക്കളാ​യ സ​നലും ക​ലേഷും ത​മ്മിൽ മുൻ​വൈ​രാ​ഗ്യ​മു​ണ്ടാ​യി​രുന്നു. സ​ന​ലി​ന്റെ ഭാ​ര്യ​യെ ക​ലേ​ഷ് ശല്യ​പ്പെ​ടു​ത്തി​യെ​ന്നാ​രോ​പിച്ച് ക​ലേ​ഷി​നെ​തി​രെ സ​നൽ പൊ​ലീസിൽ പ​രാ​തി​ നൽ​കി​യി​രു​ന്നു. ഇ​തി​ന്റെ പേരിൽ ഇ​രു​വരും തമ്മിൽ നി​രന്തരം വാ​ക്കുതർ​ക്ക​ങ്ങ​ളി​ലേർ​പ്പെ​ട്ടി​രു​ന്നു​. ഇന്നലെ വൈകിട്ട് 3ന് പോരേടം ച​ന്ത​മു​ക്കിന് സ​മീ​പ​ത്തെ വർ​ക്ക്‌​ഷോപ്പിൽ ജോ​ലി​ചെ​യ്​തു​കൊ​ണ്ടി​രു​ന്ന ക​ലേ​ഷിനെ വി​ളി​ച്ചി​റക്കി​യ ശേ​ഷം കു​പ്പിയിൽ ക​രു​തി​യി​രു​ന്ന പെ​ട്രോൾ ദേ​ഹ​ത്തേ​ക്ക് ഒ​ഴി​ച്ച് ക​ത്തി​ക്കു​ക​യാ​യി​രുന്നു. നാ​ട്ടുകാർ ഓ​ടി​യെ​ത്തി​യാ​ണ് തീ അ​ണ​ച്ചത്. ഫ​യർ​ഫോ​ഴ്‌​സും സ്ഥലത്തെത്തി. പ്ര​തി സ​ന​ലി​നെ സം​ഭ​വസ്ഥ​ത്ത് വ​ച്ച് ത​ന്നെ ച​ട​യ​മംഗ​ലം പൊ​ലീ​സ് ക​സ്​റ്റ​ഡി​യി​ലെ​ടു​ത്തു. ഇ​ന്ന് കോ​ട​തിയിൽ ഹാ​ജ​രാ​ക്കും.