ചെന്നൈ: റപേംപ്രൈം വോളിബാൾ ലീഗിൽ അഹമ്മദാബാദ് പ്ലേ ഓഫ് സാധ്യത നിലർത്തി. സൂപ്പർ 5ലെ മൂന്നാം മത്സരത്തിൽ ഡൽഹി തൂഫാൻസിനെ കടുത്ത പോരാട്ടത്തിൽ മറികടന്നാണ്തീ പ്രതീക്ഷ നിലനിർത്തിയത്. ചെന്നൈ ജവഹർലാൽ നെഹ്റു ഇൻഡോർ സ്‌​റ്റേഡിയത്തിൽ നടന്ന കളിയിൽ അഞ്ച് സെ​റ്റ് പോരിലായിരുന്നു നിലവിലെ ചാമ്പ്യൻമാരുടെ ജയം. സ്‌കോർ: 15–10, 11–15, 10–15, 15–12, 18–16. അംഗമുത്തുവാണ് കളിയിലെ താരം.

അവസാന കളിയിൽ ഞായറാഴ്ച കാലിക്ക​റ്റ് ഹീറോസാണ് അഹമ്മദാബാദിന്റെ എതിരാളി. ആദ്യ രണ്ട് കളിയും അഹമ്മദാബാദ് തോ​റ്റിരുന്നു. മൂന്നാം മത്സരം കളിച്ച ഡൽഹിയുടെ ആദ്യ തോൽവിയാണ്.
ഇന്ന് (ശനി) വൈകിട്ട് 6.30ന് മുംബൈ മി​റ്റിയോഴ്സ് ബംഗളൂരു ടോർപ്പിഡോസിനെ നേരിടും.