തിരുവനന്തപുരം: ബാലസാഹിത്യകാരൻ മടവൂർ സുരേന്ദ്രന്റെ 'ശേഷം ചിന്ത്യം" എന്ന കവിതാസമാഹാരം കവിയും മുൻ ചീഫ് സെക്രട്ടറിയുമായ കെ. ജയകുമാർ പ്രകാശനം ചെയ്തു. ഷാനവാസ് പോങ്ങനാട് പുസ്തകം ഏറ്റുവാങ്ങി. ഡോ. ഇന്ദ്രബാബു പുസ്തകം പരിചയപ്പെടുത്തി. പ്രൊഫ: വിശ്വമംഗലം സുന്ദരേശൻ അദ്ധ്യക്ഷതവഹിച്ച ചടങ്ങിൽ കാരയ്ക്കാമണ്ഡപം വിജയകുമാർ, ശ്രീകുമാർ മുഖത്തല, ഇഞ്ചക്കാട് ബാലചന്ദ്രൻ, ബിനു മടവൂർ, മടവൂർ രാധാകൃഷ്ണൻ എന്നിവർ സംസാരിച്ചു. മടവൂർ സുരേന്ദ്രൻ മറുപടി പ്രസംഗം നടത്തി. മെലിൻഡ ബുക്സാണ് പുസ്തകം പ്രസിദ്ധീകരിച്ചത്. കവിയരങ്ങിൽ പകൽക്കുറി വിശ്വൻ,കാര്യവട്ടം ശ്രീകണ്ഠൻനായർ,​ഡോ.ചായം ധർമ്മരാജൻ തുടങ്ങിയവർ പങ്കെടുത്തു.