മൂവാറ്റുപുഴ: ടാർ മോഷ്ടിച്ച കേസിൽ ഡ്രൈവർ പിടിയിൽ. വെങ്ങോല അമ്പലത്താൻവിളയിൽ വീട്ടിൽ സുമേഷാണ് (50) മൂവാറ്റുപുഴ പൊലീസിന്റെ പിടിയിലായത്. അമ്പലമുകളിൽ നിന്ന് ആറൂരുള്ള ടാർ മിക്സിംഗ് പ്ലാന്റിലേക്ക് ടാറുമായി എത്തിയതാണ് വാഹനം. രാത്രി ആരക്കുഴ ഭാഗത്ത് വാഹനം നിറുത്തിയശേഷം ഒമ്പത് ബാരലുകളിലായി 12 ടണ്ണോളം ടാർ മോഷ്ടിക്കുകയായിരുന്നു. ഇൻസ്പെക്ടർ ബി.കെ. അരുണിന്റെ നേതൃത്വത്തിലാണ് പ്രതിയെ പിടികൂടിയത്.