അക്ഷയ് കുമാർ, ടൈ​ഗർ ഷ്റോഫ് എന്നിവർ മുഖ്യവേഷത്തിലെത്തുന്ന ബഡേ മിയാൻ ഛോട്ടേ മിയാൻ എന്ന ചിത്രത്തിന്റെ ട്രെയിലർ ഇന്ന് റിലീസ് ചെയ്യും. ഹിന്ദി, തമിഴ്, തെലുങ്ക്, മലയാളം, കന്നട ഭാഷകളിലായി എത്തുന്ന ചിത്രത്തിൽ പൃഥ്വിരാജാണ് വില്ലൻ കഥാപാത്രത്തെ അവതരിപ്പിക്കുന്നത്. അലി അബ്ബാസ് സഫർ സംവിധാനം ചെയ്യുന്ന ചിത്രത്തിലൂടെ ഇതാദ്യമായി അക്ഷയും ടൈഗറും ഇന്ത്യയിലെ ഏറ്റവും വലിയ ആക്ഷൻ സിനിമയിൽ ഒരുമിച്ച് അഭിനയിക്കുന്നു എന്ന പ്രത്യേകതയുണ്ട്. സോനാക്ഷി സിൻഹയും, മാനുഷി ചില്ലറും, അലയ എഫും താരനിരയിലുണ്ട്. രോണിത്ത് റോയ് ആണ് മറ്റൊരു പ്രധാനതാരം. ഏപ്രിൽ 10ന് റിലീസ് ചെയ്യും. വഷു ഭഗ്നാനിയും പൂജ എന്റർടെയ്ൻമെന്റും ചേർന്ന് അലി അബ്ബാസ് സഫർ ഫിലിംസുമായി സഹകരിച്ചാണ് നിർമ്മാണം. പി.ആർ. ഒ : പി.ശിവപ്രസാദ്