ജയം രവി നായകനായി അർജുനൻ ജൂനിയർ സംവിധാനം ചെയ്യുന്ന ജീനി എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്.കല്യാണി പ്രിയദർശനാണ് നായിക. കീർത്തി ഷെട്ടി, വാമിഖ ഗബ്ബി, ദേവയാനി തുടങ്ങിയവരാണ് മറ്റ് അഭിനേതാക്കൾ. തമിഴ്, തെലുങ്ക്, ഹിന്ദി ഭാഷകളിലായി ഒരുങ്ങുന്ന ചിത്രത്തിന് എ .ആർ. റഹ്മാനാണ് സംഗീതം പകരുന്നത്. വെൽസ് ഫിലിംസ് ഇന്റർനാഷണലിന്റെ ബാനറിൽ ഡോ. ഇഷാരി കെ ഗണേഷാണ് നിർമ്മാണം.
ജയം രവിയുടെ 32-ാമത്തെ ചിത്രമായ 'ജീനി 100 കോടി രൂപ മുതൽ മുടക്കിലാണ് ഒരുങ്ങുന്നത്.
എക്സിക്യൂട്ടീവ് പ്രൊഡ്യൂസർ: അശ്വിൻ കുമാർ കെ, ക്രിയേറ്റിവ് പ്രൊഡ്യൂസർ: കെ ആർ. പ്രഭു, ഛായാഗ്രഹണം: മഹേഷ് മുത്തുസ്വാമി, ചിത്രസംയോജനം: പ്രദീപ് ഇ രാഘവ് , കലാസംവിധാനം: ഉമേഷ് ജെ കുമാർ, ആക്ഷൻ: യാനിക്ക് ബെൻ, പി.ആർ. ഒ: ശബരി.