കൊച്ചി: ഡിജിറ്റൽ ഗോൾഡ് സേവിംഗ്സ് ആപ്പായ ജാർ 20 ദശലക്ഷം ഉപയോക്താക്കളുമായി മികച്ച നേട്ടം കൈവരിച്ചു. ഡിജിറ്റൽ ഗോൾഡ് മേഖലയിലെ മാർക്കറ്റ് ലീഡറായ ജാറിന്റെ റൗണ്ട്-ഓഫ് രീതി ഡിജിറ്റൽ ഇടപാടുകളെ എളുപ്പത്തിലാക്കാനും ഡിജിറ്റൽ സ്വർണത്തിൽ നിക്ഷേപിക്കാനും സഹായിക്കുന്നു. 45 സെക്കൻഡ് മാത്രം എടുക്കുന്ന ഒരു നിക്ഷേപ യാത്രയാണ് ജാർ വാഗ്ദാനം ചെയ്യുന്നത്. കൂടാതെ ഉപഭോക്താക്കൾക്ക് 10 രൂപ മുതൽ സമ്പാദ്യം തുടങ്ങാം. ഈ പണം 24K, 99.9% ശുദ്ധമായ ഡിജിറ്റൽ സ്വർണത്തിൽ നിക്ഷേപിക്കാം.
കർണാടകയിലെ ഹാസനിൽ നിന്നുള്ള നിശ്ചയ് എ.ജിയും ബീഹാറിലെ ബീഹാർഷെരീഫിൽ നിന്നുള്ള മിസ്ബാബ് അഷ്റഫും ചേർന്ന് തുടക്കംകുറിച്ച ജാർ മികച്ച വെൽത്ത്‌ടെക് സ്റ്റാർട്ടപ്പ് വിഭാഗത്തിനുള്ള 2023-ലെ ഗ്ലോബൽ ഫിൻടെക് അവാർഡ് നേടിയിട്ടുണ്ട്. കൂടാതെ രാജ്യത്തെ മികച്ച യു.പി.ഐ ഓട്ടോ-പേ പ്രമുഖരിൽ ഒരാളായി മാറുകയും ചെയ്തു. 2023-ലെ ഇന്ത്യയിലെ മികച്ച സ്റ്റാർട്ടപ്പുകളിൽ ഒന്നായി ലിങ്ക്ഡ് ഇൻ ജാറിനെ അംഗീകരിച്ചിട്ടുണ്ട്.