നെല്ലിയാമ്പതി: ഭീതി പരത്തി വീണ്ടും കാട്ടാന. നെല്ലിയാമ്പതിയിലെ ജനവാസ മേഖലയിലാണ് ചില്ലിക്കൊമ്പൻ ഇറങ്ങിയിരിക്കുന്നത്. ഇന്നലെ രാത്രിയോടെ ചില്ലിക്കൊമ്പനെ കാടുകയറ്റിയിരുന്നു. എന്നാൽ, ഇന്ന് രാവിലെ വീണ്ടും ജനവാസ മേഖലയിൽ എത്തുകയായിരുന്നു. ഇന്നലെ നെല്ലിയാമ്പതിയിലെ എവിറ്റി ഫാക്ടറിക്ക് സമീപമെത്തിയ ആന ലൈറ്റുകൾ തകർത്തിരുന്നു. നാട്ടുകാർ ബഹളം വച്ചതോടെയാണ് പിന്തിരിഞ്ഞത്. നാട്ടുകാരാണ് ആനയ്ക്ക് ചില്ലിക്കൊമ്പൻ എന്ന പേര് നൽകിയത്. ചില്ലിക്കൊമ്പൻ ഇടയ്ക്കിടെ ജനവാസ മേഖലകളിൽ ഇറങ്ങാറുണ്ട്. സാധാരണ ചക്കയുടെയും മാങ്ങയുടെയും സീസൺ തുടങ്ങുമ്പോഴാണ് എത്താറുള്ളത്.