തിരുവല്ല: കുറ്റൂർ മഹാദേവ ധർമ്മശാസ്താ ക്ഷേത്രത്തിൽ ഉത്സവം തുടങ്ങി. എട്ടിന് ആറാട്ടോടെ സമാപിക്കും. ശിവരാത്രിയുടെ തലേദിവസം വരെ തിരുമുമ്പിൽ പറയിടാൻ സൗകര്യമുണ്ട്. ആറിന് വിവിധ മേഖലകളിൽ കഴിവ് തെളിയിച്ചവരെ ആദരിക്കുന്ന ചടങ്ങ് തിരുവല്ല ശ്രീരാമകൃഷ്ണാശ്രമം മഠാധിപതി നിർവിണ്ണാനന്ദ സ്വാമി നിർവഹിക്കും. 7ന് രാവിലെ 10.30ന് ഉത്സവബലി. 3ന് അവഭൃതസ്നാന ഘോഷയാത്ര,7.30ന് സേവ.11.30ന് പള്ളിവേട്ട എന്നിവയും ശിവരാത്രി ദിനമായ എട്ടിന് എൻഎസ്എസ് വനിതാ സമാജത്തിന്റെ നേതൃത്വത്തിൽ രാവിലെ എട്ടുമുതൽ ശിവപുരാണ പാരായണം, 9ന് കാവടിയാട്ടം. വൈകിട്ട് 6 30ന് കുറ്റൂർ തോണ്ടറ ആറാട്ട് കടവിൽ നിന്ന് ആറാട്ട് എഴുന്നെള്ളിപ്പ്. തിരുമുമ്പിൽ വേലകളി എന്നിവ ഉണ്ടായിരിക്കും. രാത്രി 12 മുതൽ ശിവരാത്രി പൂജ.