തിരുവല്ല : സ്ത്രീയുടെ സാമ്പത്തിക സ്വാതന്ത്യം ചരിത്രത്തെ മാറ്റിയെന്നും സ്ത്രീകളുടെ മാനസിക അടിമത്തം മാറിയത് സാമൂഹിക നവോത്ഥാനത്തിന് കാരണമായെന്നും തിരുവല്ല സെന്റ് തോമസ് ടി.ടി.ഐ പ്രിൻസിപ്പൽ മറിയംതോമസ് പറഞ്ഞു. നാഷണൽ ഫോറം ഫോർ പീപ്പിൾസ് റൈറ്റ്സ് ജില്ല വനിതാവിഭാഗം കമ്മിറ്റിയുടെ നേതൃത്വത്തിൽ നടത്തിയ സ്ത്രീ ശാക്തീകരണ സമ്മേളനം ഉദ്ഘാടനം ചെയ്യുകയായിരുന്നു അവർ. വനിതാവിഭാഗം ജില്ലാ കോർഡിനേറ്റർ സുലേഖാ സുരേഷ് അദ്ധ്യക്ഷത വഹിച്ചു. ഷൈനി.എം.ആർ, വിദ്യാ ഷെഫീക്ക്, ഉഷാദേവി, ഷീല എബ്രഹാം, മോളി പ്രേംരാജ്, സുധാകുമാരി എന്നിവർ പ്രസംഗിച്ചു.