കോന്നി : അഞ്ചുകോടി രൂപ ചെലവിൽ ആധുനിക നിലവാരത്തിൽ നിർമ്മിക്കുന്ന പുതുവൽ- കുന്നിട റോഡിന്റെ നിർമ്മാണ ഉദ്ഘാടനം അഡ്വ. കെ.യു. ജനീഷ് കുമാർ എം.എൽ.എ നിർവഹിച്ചു. ദീർഘനാളായി തകർന്നു കിടന്നറോഡിന്റെ പുതുവൽ മുതൽ കുന്നിട വരെയുള്ള അഞ്ച് കിലോമീ​റ്റർ ദൂരമാണ് അഞ്ചുകോടി രൂപയ്ക്ക് ബി.എം ആൻഡ് ബി.സി സാങ്കേതിക വിദ്യയിൽ ഉന്നത നിലവാരത്തിൽ നിർമ്മിക്കുന്നത്. റോഡിന്റെ ചെളിക്കുഴി കുന്നിട മങ്ങാട് ഭാഗം നവീകരിക്കുന്നതിന് 2024ലെ ബഡ്ജ​റ്റിൽ 10 കോടി രൂപയും വകയിരുത്തിയിട്ടുണ്ട്. നിലവിലെ ചെറിയ റോഡ് അഞ്ചര മീ​റ്റർ വീതിയിലാണ് നവീകരിക്കുന്നത്. ആവശ്യമായ ഇടങ്ങളിൽ ഓടയും ഐറിഷ് ഓടയും നിർമ്മിക്കും.