മല്ലപ്പള്ളി: കൊറ്റനാട് ജില്ലാ ഹോമിയോ ആശുപത്രിയിൽ എമർജൻസി റൂമിന്റെ പ്രവർത്തനം ഇന്ന് ആരംഭിക്കും. മൾട്ടിപാര മോണിറ്ററിംഗ് മിഷ്യൻ പോലുള്ള അത്യാധുനിക സൗകര്യങ്ങളോടുകൂടിയാണ് പ്രവർത്തനം ആരംഭിക്കുന്നത്. ജില്ലാ പഞ്ചായത്ത് ഫണ്ടിൽ നിന്നും 2 ലക്ഷം രൂപ വിനിയോഗിച്ച് പൂർത്തിയാക്കിയ ഐ.പി ഉപകരണങ്ങളുടെ ഉദ്ഘാടനം പ്രമോദ് നാരായൺ എം എൽ എ നിർവഹിക്കും. ജില്ലാ പഞ്ചായത്ത് പ്രസിഡന്റ് രാജി.പി. രാജപ്പൻ അദ്ധ്യക്ഷത വഹിക്കും. .ജീവിതശൈലി രോഗങ്ങളുടെ നിവാരണത്തിനായി ഹോമിയോപ്പതി,നാച്ചുറോപ്പതി,യോഗ എന്നിവ സംയോജിച്ചു കൊണ്ടുള്ള ആയുഷ്മാൻ ഭവ എന്നീ പദ്ധതികളും യോഗ ക്ലാസുകളും നടത്തിവരുന്നതായി മെഡിക്കൽ ഓഫീസർ അറിയിച്ചു.